പരോള് കഴിഞ്ഞതോടെ പ്രൊഫസര് സായി ബാബ വീല്ചെയറില് വീണ്ടും ഏകാന്ത തടവിലേക്ക്
മനുഷ്യാവകാശ പ്രവര്ത്തകന് പ്രഫ. ജി.എന്. സായി ബാബ വീണ്ടും തന്റെ വീല്ചെയറില് നാഗ്പൂര് ജയിലിലെ ഏകാന്ത തടവിലേക്ക് മടങ്ങി. മുന് ജഡ്ജിമാര് അടക്കമുള്ളവരുടെ അനുഭാവത്തിനും അദ്ദേഹത്തെ സഹായിക്കാനായില്ല.
ഡല്ഹി യൂണിവേഴ്സിറ്റി പ്രൊഫസറായ സായിബാബയെ കഴിഞ്ഞ വര്ഷം മേയില് മാവോയിസ്റ്റ് ബന്ധം ചൂണ്ടിക്കാട്ടിയാണ് തടവിലാക്കിയത്.
ശാരീരികമായി 90% അവശതയുള്ള അദ്ദേഹം 14 മാസം ജയിലിലായിരുന്നു. പിന്നീട് മൂന്നു മാസത്തെ പരോള് ലഭിച്ചെങ്കിലും കഴിഞ്ഞ ദിവസം കീഴടങ്ങാന് ബോംബെ ഹൈക്കോടതിയുടെ നാഗ്പൂര് ബെഞ്ച് നിര്ദേശിക്കുകയായിരുന്നു.
മുട്ടയുടെ ആകൃതിയിലുള്ള \'അണ്ഡ ജയില്\' എന്ന ഏകാന്ത സെല്ലിലാണ് ബാബയെ നേരത്തെ പാര്പ്പിച്ചിരുന്നത്. ഭീകരപ്രവര്ത്തകരെ പാര്പ്പിക്കുന്നതാണ് ഈ തടവറ.
എല്ലാറ്റിനും പരസഹായം വേണ്ടതിനാല് ഏകാന്ത തടവില് ദീര്ഘനാള് കഴിഞ്ഞത് അദ്ദേഹത്തിന്റെ ആരോഗ്യം പിന്നെയും വഷളാക്കി. ഇക്കാര്യം ചൂണ്ടിക്കാട്ടി ഭാര്യ വസന്തകുമാരി സമീപിച്ചപ്പോഴാണ് കോടതി പരോള് അനുവദിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
