ബിയര്‍, വൈന്‍ പാര്‍ലറുകളുടെ കാര്യത്തിലും തൊഴിലാളികളുടെ പുനരധിവാസം സംബന്ധിച്ചും സംസ്ഥാന സര്‍ക്കാരിനെ വിമര്‍ശിച്ച് കൊണ്ടാണ് സുപ്രീം കോടതി മദ്യ നയം ശരിവച്ചത്. ഫൈവ് സ്റ്റാര്‍ ഹോട്ടലുകളില്‍ നിലവാരം കുറഞ്ഞ മദ്യം വിളമ്പുന്നത് തടയണമെന്ന് വിധി പ്രസ്താവത്തില്‍ പറയുന്നു. 39 പേജുള്ളതാണ് സുപ്രീംകോടതിയുടെ വിധി പകര്‍പ്പ്.

മദ്യനയം സര്‍ക്കാരിന്റെ അവാകാശമാണെന്ന് ചൂണ്ടിക്കാട്ടിയാണ് ബാര്‍ലൈസന്‍സ് കേസില്‍ സുപ്രീകോടതി വിധിപറഞ്ഞിരിക്കുന്നത്. എന്നാല്‍ മദ്യം കുറച്ച്‌കൊണ്ട് വരികയാണ് ലക്ഷ്യമെങ്കില്‍ ബിയര്‍, വൈന്‍ പാര്‍ലറുകളെ പ്രോത്സാഹിപ്പിക്കുന്നത് എന്തിനാണെന്ന് കോടതി ചോദിക്കുന്നു. അനിയന്ത്രിതമായി ബിയര്‍, വൈന്‍ പാര്‍ലറുകള്‍ അനുവദിക്കുന്ന നടപടിയെ അഭിനന്ദിക്കാനാകില്ലെന്നും കോടതി വ്യക്തമാക്കി.

യുവാക്കള്‍ക്കിടയില്‍ ബിയര്‍ പ്രിയം വര്‍ധിക്കുന്നതായി റിപ്പോര്‍ട്ടുണ്ട്. ആ സാഹചര്യത്തില്‍ ഭാവിയില്‍ വീര്യം കൂടിയ ബിയറുകള്‍ ഇറങ്ങിയേക്കാം. അത്തരം സാഹര്യമുണ്ടാവുകയാണെങ്കില്‍ മദ്യ നയം പുനപരിശോധിക്കാന്‍ സര്‍ക്കാര്‍ തയ്യാറാകണമെന്ന് കോടതി നിര്‍ദേശിച്ചു. ഫൈവ്സ്റ്റാറുകളുടെ നിലവാരം സംബന്ധിച്ച് ഉയരുന്ന പരാതികളില്‍ സുപ്രീം കോടതി അതൃപ്തി രേഖപ്പെടുത്തി.

ഫൈവ്സ്റ്റാറുകളില്‍ നിലവരാമില്ലാത്ത മദ്യം വിളുമ്പുന്നതും മദ്യം വിലകുറച്ച് വില്‍ക്കുന്നതും തടയാന്‍ സംസ്ഥാന സര്‍ക്കാര്‍ അടിന്തര നടപടി കൈകൊള്ളണം. അല്ലെങ്കില്‍ മദ്യനയം മുഖം മിനുക്കല്‍ നടപടിയും പക്ഷപാതപരവുമാകുമെന്നും ബഞ്ച് വ്യക്തമാക്കി. നയം നടപ്പാക്കുമ്പോള്‍ തൊഴില്‍ നഷ്ടപെടുന്നവര്‍ പുനരധിവാസിക്കപ്പെടാന്‍ തീര്‍ത്തും അര്‍ഹരാണ്. എന്നാല്‍ തൊഴിലാളിക്കായി പിരിക്കുന്ന 5 ശതമാനം സെസ് തുക അവരിലേക്ക് എത്തുന്നില്ലെന്ന് സുപ്രീംകോടതി വിധിയില്‍ ചൂണ്ടിക്കാട്ടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha