പത്തു വര്‍ഷത്തോളം പാകിസ്ഥാനില്‍ കഴിഞ്ഞിരുന്ന ബധിരയും മൂകയുമായ ഗീത തന്റെ മകളാണെന്ന് മധ്യപ്രദേശിലെ ജബല്‍പൂരിലുള്ള ഒരു മുസ്ലീം വനിത അവകാശം ഉന്നയിച്ചു.

നാല്‍പതുകാരിയായ അനീസാബിയാണ് ഗീതയെ കാണണമെന്ന് ആവശ്യപ്പെട്ട് അപേക്ഷ സമര്‍പ്പിച്ചിരിക്കുന്നത്. പതിമൂന്ന് വര്‍ഷം മുമ്പ് മധ്യപ്രദേശിലെ നാര്‍സിങ്ങ്പൂര്‍ ജില്ലയിലെ ഗോട്ടഗാവ് എന്ന സ്ഥലത്തു നിന്നും കാണാതായ മകള്‍ നാജോ ആണ് ഗീതയെന്നാണ് അവര്‍ പറയുന്നത്.

നഷ്ടപ്പെട്ട മകളുടെ പാസ്‌പോര്‍ട്ട് സൈസ് ഫോട്ടോയും അവര്‍ സമര്‍പ്പിച്ചിട്ടുണ്ട്. ഉടന്‍ തന്നെ അനീസാ ബിയുടെ അപേക്ഷ സാമൂഹിക നീതി വകുപ്പിന് കൈമാറുമെന്ന് ജില്ലാ കളക്ടര്‍ ആഷിഷ് സിംഗ് പറഞ്ഞു. പത്തു വര്‍ഷം മുമ്പ് യാദൃശ്ചികമായി പാകിസ്ഥാനില്‍ അകപ്പെട്ട ഗീതയെ ഇപ്പോള്‍ ഇന്ത്യയിലെ ബധിരരും മൂകരുമായവരെ സംരക്ഷിക്കുന്ന സ്ഥാപനത്തില്‍ താമസിപ്പിച്ചിരിക്കുകയാണ്.

അനീസാ ബിയുടെ അപേക്ഷ പരിശോധനയ്ക്കായി സാമൂഹിക നീതി വകുപ്പ് ജോയിന്റ് സെക്രട്ടറിക്ക് കൈമാറും. അതിനു ശേഷം കേന്ദ്രത്തിലേക്ക് അയക്കും. ഗീതയെ കാണാന്‍ അനാസാ ബിക്ക് അനുവാദം നല്‍കണോ എന്ന് കേന്ദ്രമാണ് തീരുമാനിക്കുന്നതെന്ന് കളക്ടര്‍ പറഞ്ഞു.

ലാഹോര്‍ സ്‌റ്റേഷനില്‍ വച്ച് സംജോത എക്പ്രസില്‍ നിന്നാണ് എട്ടു വയസുള്ള ഗീതയെ പാക് റെയ്ഞ്ചര്‍മാര്‍ കണ്ടെത്തുന്നത്. അന്നു മുതല്‍ കറാച്ചി ആസ്ഥാനമായുള്ള ഈദി ഫൗണ്ടേഷന്റെ സംരക്ഷണയിലായിരുന്ന ഗീതയെ ഈ വര്‍ഷം ഒക്ടോബറിലാണ് ഇന്ത്യയിലേക്ക് തിരിച്ചു കൊണ്ട് വന്നത്.

മുമ്പ് ഗീത മകളാണെന്ന അവകാശവുമായി വന്ന ഉത്തര്‍പ്രദേശിലെ ദമ്പതിമാരെയും കുടുംബാംഗങ്ങളെയും ഗീത തിരിച്ചറിഞ്ഞിരുന്നില്ല,

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha