നോണ്‍ വര്‍ക്കേഴ്‌സ് ബൈ മെയിന്‍ ആക്ടിവിറ്റി ആന്റ് എഡ്യുക്കേഷന്‍ ലെവല്‍\' പുറത്ത് വിട്ട റിപ്പോര്‍ട്ടില്‍ ഇന്ത്യയിലെ യാചകരില്‍ നാലിലൊരാള്‍ വിദ്യാ\'സമ്പന്നനാ\'ണെന്ന് റിപ്പോര്‍ട്ട്. 3.72 ലക്ഷത്തോളം യാചകരുള്ള രാജ്യത്ത് ഇവരില്‍ 21 ശതമാനത്തിന് പ്ലസ്ടുവോ അതില്‍ കൂടുതലോ വിദ്യാഭ്യസമോ ഉണ്ടെന്ന് റിപ്പോര്‍ട്ടില്‍ പറയുന്നു. 3.000ത്തോളം യാചകര്‍ പ്രൊഫഷണല്‍ ഡിപ്ലോമ അല്ലെങ്കില്‍ ബിരുദമോ ബിരുദാനന്തരബിരുദമോ കഴിഞ്ഞവരാണെന്നും റിപ്പോര്‍ട്ടില്‍ പറയുന്നു. 2011 ല്‍ തയ്യാറാക്കിയ സെന്‍സസിലാണ് യാചകരുടെ വിദ്യാഭ്യാസത്തെ സംബന്ധിച്ചുള്ള വിവരങ്ങളുള്ളത്. സെന്‍സസിന്റെ ഭാഗമായിട്ടാണ് \'നോണ്‍ വര്‍ക്കേഴ്‌സ് ബൈ മെയിന്‍ ആക്ടിവിറ്റി ആന്റ് എഡ്യുക്കേഷന്‍ ലെവല്‍\' എന്ന റിപ്പോര്‍ട്ട് ഈ ആഴ്ച ആദ്യമാണ് പുറത്തുവിട്ടത്.
വിദ്യാഭ്യാസ യോഗ്യതയ്ക്ക് അനുസരിച്ച് തൃപ്തികരമായ ജോലിയോ ശമ്പളമോ ലഭിക്കാതെ വന്നതോടെയാണ് മിക്കവരും യാചകവൃത്തിയിലേക്ക് തിരിഞ്ഞത്. ബിരുദം വിദ്യാഭ്യാസയോഗ്യതയായുള്ളവര്‍ പോലും ഭിക്ഷാടനത്തിലേക്ക് തിരിയുന്നു. ദിനേഷ് ഖോദാബായ് (45)എന്ന യാചകന് ഭിക്ഷാടനത്തിലൂടെ ദിവസവും 200 രൂപയോളം ലഭിക്കുന്നുണ്ട്. എന്നാല്‍ ആദ്യം ചെയ്ത ഹോസ്പിറ്റല്‍ വാര്‍ഡനായുള്ള ജോലിക്ക് തനിക്ക് 100 രൂപ മാത്രമേ ലഭിച്ചിരുന്നുള്ളുവെന്നും അദേഹം പറയുന്നു. 12ാം ക്ലാസ് പാസ്സായ ഇദേഹം സാമാന്യം നന്നായി ഇംഗ്ലിഷ് സംസാരിക്കും. അഹമ്മദാബിദിലെ ഭദ്ര കാളി ക്ഷേത്ര പരിസരത്താണ് ഇദേഹം ഭിക്ഷാടനം നടത്തുന്നത്.
അമ്പത്തൊന്നുകാരനായ സുധീര്‍ ബാഹുലാല്‍ ബി. കോം പരാജയപ്പെട്ടതോടെയാണ് ഭിക്ഷയെടുക്കാനിറങ്ങിയത്. ദിവസവും 150 രൂപയോളമാണ് ഇദേഹത്തിന്റെ വരുമാനം. കല്‍പണിക്കായി നഗരത്തിലെത്തിയ ഇദേഹത്തിന് 10 മണിക്കൂറിലധികം ജോലിചെയ്താല്‍ മാസം വെറും 3000 രൂപ മാത്രമായിരുന്നു നേരത്തെ ലഭിച്ചിരുന്നത്. എന്നാല്‍ ഭാര്യ ഉപേക്ഷിച്ചുപോയതോടെ ഇയാള്‍ വീടുപേക്ഷിച്ച് തെരുവില്‍ അഭയം തേടുകയായിരുന്നു.ദശരഥ് പാര്‍മര്‍ എന്ന അമ്പത്തിരണ്ടുകാരന്‍ ഗുജറാത്ത് യൂണിവേഴ്‌സിറ്റിയില്‍ നിന്ന് എം.കോം സമ്പാദിച്ചതാണ്. സര്‍ക്കാര്‍ ജോലി സ്വപ്നം കണ്ടുനടന്ന ദശരഥിന് ഉണ്ടായിരുന്ന സ്വകാര്യ ജോലിയും നഷ്ടപ്പെട്ടതോടെയാണ് ഭിക്ഷയെടുക്കാനിറങ്ങിയത്. ഒരു സന്നദ്ധ സംഘടന നല്‍കുന്ന സൗജന്യ ഭക്ഷണം കഴിച്ച് വിശപ്പടക്കും.
ആഗ്രഹിച്ച ജോലിയും ഉയര്‍ന്ന ശമ്പളവും ലഭിക്കാതെ വന്നപ്പോഴാണ് പലരും ഭിക്ഷാടനത്തിലേക്ക് തിരിയുന്നത്. അധ്വാനിക്കാതെ കൂടുതല്‍ പണം ലഭിക്കുന്നതുകെണ്ടും ഇവരെ ഇതില്‍ തന്നെ പിടിച്ച് നിര്‍ത്തുന്നു.
അതേസമയം, ഭിക്ഷാടനം തൊഴിലാക്കിയ ഇവരെ പുനരധിവസിപ്പിക്കുന്നതിനോ മറ്റു തൊഴിലുകളിലേക്ക് തിരിച്ചുവിടുന്നതിനോ കഴിയില്ലെന്ന് ഇവരുമായി ബന്ധപ്പെട്ട് പ്രവര്‍ത്തിക്കുന്ന എന്‍.ജി.ഒയായ മാനവ് സാധന അംഗം ബിനെന്‍ ജോഷി പറഞ്ഞു. അധ്വാനിക്കാതെ കിട്ടുന്ന പണംകൊണ്ട് സുഖജീവിതം ഇവര്‍ ആസ്വദിക്കുകയാണെന്നും ബിനെന്‍ ജോഷി പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha