ഭാര്യയെ കൊലപ്പെടുത്തിയ മുംബൈ സ്വദേശിയെ ദുബായില് വെടിവച്ച് കൊന്നു ശിക്ഷ നടപ്പാക്കി
ഭാര്യയെ കൊലപ്പെടുത്തിയ മുംബൈ സ്വദേശിയെ ദുബായില് വെടിവച്ച് കൊന്ന് ശിക്ഷ നടപ്പാക്കി. ദുബായില് താമസമാക്കിയ ആതിഫ് പോപ്പറിനെയാണ് ഭാര്യ ബുഷ്റയെ കൊലപ്പെടുത്തിയതിന് ശിക്ഷിച്ചത്.
2013 മാര്ച്ചിലാണ് ആതിഫും കൂട്ടാളിയും ചേര്ന്ന് ബുഷ്റയെ കൊലപ്പെടുത്തിയത്. ഇരുവരും കുറ്റം ചെയ്തതായി അതേ വര്ഷം തന്നെ തെളിയിക്കപ്പെട്ടിരുന്നു. കൊലപാതകത്തിനു ശേഷം ആതിഫ് ഇന്ത്യയിലേക്ക് കടന്നെങ്കിലും അവസാനം ദുബായിലേക്ക് തിരികെപോയി കീഴടങ്ങേണ്ടതായി വന്നു.
വധശിക്ഷയ്ക്ക് വിധിക്കപ്പെട്ട ആതിഫ് ശിക്ഷ ഇളവ് ചെയ്ത് ജീവപര്യന്തമാക്കണമെന്ന് ആവശ്യപ്പെട്ട് ഹര്ജി നല്കിയെങ്കിലും ഒക്ടോബറില് അത് തള്ളിപോകുകയായിരുന്നു. യു.എ.ഇ-ലെ നിയമമനുസരിച്ച് കൊല്ലപ്പെട്ടവരുടെ കുടുംബം പ്രതിക്ക് മാപ്പ് നല്കിയാല് മാത്രമേ ശിക്ഷയില് ഇളവു ലഭിക്കുകയുള്ളു.
എന്റെ മരുമകന്റെ ശിക്ഷ നടപ്പാക്കണം. ഒരിക്കലും എന്റെ മകളെ കൊലപ്പെടുത്തിയതിന് അവന് ഞാന് മാപ്പു നല്കില്ല എന്ന് ബുഷ്റയുടെ അമ്മ ഉഷ ധനഞ്ജയന് പറഞ്ഞു. ആതിഫിന്റെയും ബുഷ്റയുടെയും ആറു വയസ്സുള്ള മകളുടെ കസ്റ്റഡിക്കായി ബോംബെ ഹൈക്കോടതിയില് ഇരുവരുടെയും കുടുംബങ്ങള് കേസ് നല്കിയിരിക്കുകയാണ്.
കുട്ടിയുടെ കസ്റ്റഡി ആതിഫിന്റെ കുടുംബത്തിന് ലഭിക്കില്ലെന്നും. കുട്ടിയുടെ അമ്മയെ കൊല്ലാന് മാത്രം വൈരാഗ്യം സൂക്ഷിച്ചിരുന്ന വ്യക്തിയുടെ കുടുംബത്തിന് കുട്ടിയുടെ സംരക്ഷണ ചുമതല കോടതി നല്കില്ല എന്നുമാണ് ഉഷ ധനഞ്ജയന്റെ അഭിഭാഷകന് പറയുന്നത്.
മുംബൈയിലെ കോളേജില് പഠിക്കുമ്പോഴാണ് നിമ്മി ധനഞ്ജയന് എന്ന ബുഷ്റ ആതിഫിനെ പരിചയപ്പെടുന്നത്. 2008-ല് വിവാഹിതരായ ഇവര് ജോലി സംബന്ധമായി ദുബായിലെത്തിയതാണ്. മറ്റൊരു പെണ്ണുമായുള്ള ആതിഫിന്റെ ബന്ധം ചോദ്യം ചെയ്തതിനാണ് ബുഷ്റയെ കൊലപ്പെടുത്തിയതെന്നാണ് നിഗമനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha