ഇന്ത്യന് ഡോക്ടര്ക്ക് നൈറ്റ്ഹുഡ് പുരസ്കാരവും ബ്രിട്ടീഷ് രാജ്ഞിയുടെ ആദരവും
അര്ബുദത്തിനെതിരായ പോരാട്ടത്തില് ഇന്ത്യന് വംശജനായ ഡോക്ടര്ക്ക് ബ്രിട്ടീഷ് രാജ്ഞിയുടെ ആദരം. ബ്രിട്ടണ് നല്കുന്ന പരമോന്നത ബഹുമതികളിലൊന്നായ രാജ്ഞിയുടെ നൈറ്റ്ഹുഡ് പുരസ്കാരത്തിനാണ് കാന്സര് റിസേര്ച് വിദഗ്ധനായ ഹര്പാല് സിംഗ് കുമാര് അര്ഹനായത്. ലണ്ടനില് ഇന്ന് പ്രസിദ്ധീകരിച്ച വാര്ിക ന്യൂ ഇയേഴ്സ് ഓണേഴ്സ് ലിസ്റ്റിലാണ് ഹല്പാര് സിംഗിന്റെ പേരുള്ളത്.
യു.കെയിലെ കാന്സര് റിസേര്ച് സ്ഥാപനത്തിലെ ചീഫ് എക്സിക്യൂട്ടീവ് ആണ് ഹര്പാല്. കാന്സര് തടയുന്നതിലും നേരത്തെ കണ്ടെത്തുന്നതിലും ചികിത്സിക്കുന്നതിലും ഹല്പാലിന്റെ നേതൃത്വത്തില് നടന്ന ഗവേഷണങ്ങള് വളരെയധികം സ്വാധീനിക്കപ്പെട്ടിട്ടുണ്ടെന്ന് അധികൃതര് വ്യക്തമാക്കി. സി.ആര്.യുവിന്റെ വരുമാനവും ഗവേഷണ മേഖലയിലെ വ്യയവും ഏറെ ഉയര്ന്നതാണ്. ഹല്പാലിന്റെ നേതൃത്വത്തില് നടത്തിയ പ്രയത്നം പുകവലി കുറയ്ക്കുന്നതിലും സണ്ബെഡ് നിരോധിക്കുന്നതിലും സര്ക്കാരിനെ പ്രേരിപ്പിച്ചു.
ഹല്പാല് സിംഗിനു പുറമേ ഇന്ത്യക്കാരായ നിരവധി വ്യവസായികള് ബ്രിട്ടണ് നല്കുന്ന മറ്റു ബഹുമതികള്ക്ക് അര്ഹരായിട്ടുണ്ട്. ഫണ്ടിംഗ് സര്ക്കിള് സ്ഥാപക സി.ഇ.ഒ സമീര് ദേശായിയെ കമാന്ഡര് ഓഫ് ദ മോസ്റ്റ് എക്സലന്റ് ഓര്ഡര് ഓഫ് ദ ബ്രിട്ടീഷ് എമ്പയര്, സണ് മാര്ക്ക് ലിമിറ്റഡ് ചെര്യമാന് രമീന്ദര് സിംഗ് റേഞ്ചറിന്െ റസി.ബി.ഇ പുരസ്കാരത്തിനും തെരഞ്ഞെടുത്തു. മോസ്റ്റ് എക്സലന്റ് ഓര്ഡര് ഓഫ് ദ ബ്രിട്ടീഷ് എമ്പയര് പുരസ്കാരത്തിന് അര്ഹരായവരില് കിഡ്ഡിവെയര് നഴ്നറീസ് ഉട കല പട്ടേല്, നോര്ത്തംബര്ലാന്ഡ് കണ്ട്രി കൗണ്സില് ഡെപ്യൂട്ടി ചീഫ് എക്സിക്യൂട്ടീര് ഡല്ജിത് ലാലി എന്നിവരുമുണ്ട്. ലീസെസ്റ്ററിലെ ഹോട്ടല് മായിയാഗോ ഉടമ ആതിന് അശോക് അങ്കാതിനെ ബ്രിട്ടീഷ് എമ്പയര് മെഡലും നല്കി ആദരിക്കും. ഈ വര്ഷം 1,196 പേരാണ് രാജ്ഞിയുടെ പുരസ്കാരത്തിന് അര്ഹരായിരിക്കുന്നത്. ഇവരില് 578 പേര് സ്ത്രീകളാണ്. 5.7 ശതമാനം പേര് വംശീയമായി ന്യൂനപക്ഷ മേഖലയില് നിന്നുള്ളവരുമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
