രണ്ടുലക്ഷം രൂപയ്ക്കു മുകളിലുള്ള എല്ലാ ഇടപാടുകള്ക്കും ഇന്നുമുതല് പാന് കാര്ഡ് നിര്ബന്ധം
ഇന്നുമുതല് പാന് കാര്ഡ് കൂടുതല് ഇടപാടുകള്ക്ക് നിര്ബന്ധമാകും. രണ്ടുലക്ഷം രൂപയ്ക്കുമുകളിലുള്ള എല്ലാ ഇടപാടുകള്ക്കും ഇന്നുമുതല് പാന്കാര്ഡ് നിര്ബന്ധമാണ്. പാന് കാര്ഡില്ലാത്തവര് നല്കുന്ന ഫോം സിക്സ്റ്റിയില് തെറ്റായ വിവരം രേഖപ്പെടുത്തി നികുതി വെട്ടിച്ചാല് 7 വര്ഷം കഠിനതടവു വരെ ലഭിക്കാം.
കള്ളപ്പണവും നികുതിവെട്ടിപ്പും തടയുന്നതിന്റെ ഭാഗമാണ് പാന് കാര്ഡ് കൂടുതല് ഫലപ്രദമായി നടപ്പാക്കാന് കേന്ദ്രസര്ക്കാര് തീരുമാനിച്ചത്. ഇന്നുമുതല് സ്ഥിര നിക്ഷേപത്തിനുപുറമെ സേവിങ്സ് നിക്ഷേപം ആരംഭിക്കുന്നതിനും പാന്കാര്ഡ് വേണം. സഹകരണബാങ്കില് 50000 രൂപയില് കൂടുതല് നിക്ഷേപം നടത്തുന്നതിനും പാന്കാര്ഡ് വേണം. ഡീമാറ്റ് അക്കൗണ്ട് തുറക്കുന്നതിനും പാന് നിര്ബന്ധമാക്കി. വസ്തുവിന് പുറമെ രണ്ടുലക്ഷത്തിനുമുകളില് മൂല്യമുള്ള എന്തു സാധനത്തിനും സേവനത്തിനും പാന് കാര്ഡ് നിര്ബന്ധമാക്കി.
അതായത് രണ്ടുലക്ഷം രൂപയ്ക്കുമേല് വിലയുള്ള ഫര്ണിച്ചര് വാങ്ങിയാലും പാന് നല്കണം. 50000 രൂപയില് കൂടുതല് മൂല്യമുള്ള വിദേശ കറന്സി വാങ്ങാനും പാന് വേണം. പാന് കാര്ഡ് ഇല്ലെങ്കില് പകരം ഫോം 60 പൂരിപ്പിച്ച് നല്കണം. ഇതിലെ വിവരങ്ങളില് ബോധപൂര്വം തെറ്റുവരുത്തുകയും അതുവഴി 25 ലക്ഷം രൂപയില് കൂടുതല് നികുതി വെട്ടിക്കുകയും ചെയ്താല് ഏഴുവര്ഷം വരെ കഠിനതടവും പിഴയും ശിക്ഷലഭിക്കാം. ചിലഇടപാടുകള്ക്ക് ഇന്നുമുതല് പാന്കാര്ഡ് ഉപയോഗിക്കുന്നതിന് ഇളവുണ്ട്.
പാന് കാര്ഡ് ബാധകമായ ഹോട്ടല് ബില്ലിന്റെ പരിധി 25000 രൂപയില് നിന്ന് 50000 രൂപയായി ഉയര്ത്തി. പാന് ബാധകമായ വസ്തു ഇടപാടിന്റെ പരിധി അഞ്ചു ലക്ഷത്തില് നിന്ന് പത്തുലക്ഷം രൂപയാക്കി ഉയര്ത്തി. മൊബൈല്, ലാന്ഡ് ലൈന് കണക്ഷനുകള് എടുക്കാന് പാന് വേണ്ട. കമ്പനികളില് നിന്ന് നേരിട്ട് 50000 രൂപയ്ക്കുമേല് ഓഹരി വാങ്ങിയാല് പാന് കാര്ഡ് കൊടുക്കണം എന്ന വ്യവസ്ഥനീക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
