കര്ണാടക ഷിരൂരില് ദേശീയപാതയില് മണ്ണിടിഞ്ഞു വീണ് കാണാതായ കോഴിക്കോട് സ്വദേശി അര്ജുനെ കണ്ടെത്തുന്നതിനായുള്ള തെരച്ചില് പുനരാരംഭിച്ചു
കര്ണാടക ഷിരൂരില് ദേശീയപാതയില് മണ്ണിടിഞ്ഞു വീണ് കാണാതായ കോഴിക്കോട് സ്വദേശി അര്ജുനെ (30) കണ്ടെത്തുന്നതിനായുള്ള തെരച്ചില് പുനരാരംഭിച്ചു. നേവി, എന്ഡിആര്എഫ്, എസ്ഡിആര്എഫ്, പൊലീസ്, ഫയര്ഫോഴ്സ് എന്നിവര് ചേര്ന്നാണ് തെരച്ചില് നടത്തുന്നത്. ബംഗളൂരുവില് നിന്ന് റഡാര് എത്തിച്ച് ലോറി കിടക്കുന്ന സ്ഥലം കണ്ടെത്താനാണ് ശ്രമം.
മേഖലയില് മഴ പെയ്തതോടെ മണ്ണിടിച്ചിലിന് സാധ്യതയുള്ളതിനാല് ഇന്നലെ തിരച്ചില് താല്ക്കാലികമായി നിര്ത്തിവച്ചിട്ടുണ്ടായിരുന്നു. മണ്ണിടിച്ചിലുണ്ടായ സ്ഥലത്തിന് സമീപമുള്ള ഗംഗാവാലി പുഴയില് ലോറി പതിച്ചിട്ടുണ്ടാകുമെന്ന സംശയത്തെ തുടര്ന്ന് നേവിയുടെ ഡൈവര്മാര് പുഴയിലിറങ്ങി പരിശോധിച്ചെങ്കിലും ഒന്നും കണ്ടെത്താനായി കഴിഞ്ഞിരുന്നില്ല.
മെറ്റല് ഡിറ്റക്ടര് ഉപയോഗിച്ചുള്ള പരിശോധനയും നടത്തിയിരുന്നു. മണ്ണിനടിയില് അര്ജുനടക്കം 15 പേരാണ് കുടുങ്ങികിടക്കുന്നതെന്ന് സൂചന. ലോറിയുടെ ജിപിഎസ് ലോക്കേഷന് മണ്ണിനടിയിലാണ് ഏറ്റവും അവസാനമായി കാണിച്ചിട്ടുള്ളത്.
https://www.facebook.com/Malayalivartha
