ഡല്ഹിയിലെ സിവില് സര്വീസ് പരിശീലന കേന്ദ്രത്തിന്റെ ബേസ്മെന്റില് വെള്ളം കയറി മൂന്ന് വിദ്യാര്ത്ഥികള്ക്ക് ദാരുണാന്ത്യം... സംഭവത്തില് രണ്ടു പേര് കസ്റ്റഡിയില്
ഡല്ഹിയിലെ സിവില് സര്വീസ് പരിശീലന കേന്ദ്രത്തിന്റെ ബേസ്മെന്റില് വെള്ളം കയറി മൂന്ന് വിദ്യാര്ത്ഥികള്ക്ക് ദാരുണാന്ത്യം. രണ്ട് പെണ്കുട്ടികളും ഒരു ആണ്കുട്ടിയുമാണ് മരിച്ചത്.
ഏഴടിയോളം ഉയരത്തില് വെള്ളം പൊങ്ങിയതാണ് ദുരന്തത്തിന് കാരണമായത്. സിവില് സര്വീസ് അക്കാദമിയുമായി ബന്ധപ്പെട്ട് പ്രവര്ത്തിക്കുന്ന രണ്ട് പേരാണ് സംഭവത്തില് പൊലീസ് കസ്റ്റഡിയിലുള്ളത്.
ദേശീയ ദുരന്ത നിവാരണ സേന കെട്ടിടത്തില് കുടുങ്ങിയിരുന്ന 14 പേരെ രക്ഷപ്പെടുത്തി. ഇവര്ക്ക് ചികിത്സ നല്കി. റാവു സിവില് സര്വീസ് അക്കാദമിയുടെ ലൈബ്രറി ആണ് ബേസ് മെന്റില് പ്രവര്ത്തിച്ചിരുന്നത്.
സംഭവ സമയത്ത് മുപ്പത് വിദ്യാര്ത്ഥികളാണ് ഇവിടെ ഉണ്ടായിരുന്നതെന്നും ഇതില് മൂന്ന് പേര് വെള്ളക്കെട്ടില് കുടുങ്ങുകയായിരുന്നെന്നും ഡല്ഹി ഫയര് സര്വീസ് അറിയിച്ചു. അപകടത്തില് ചീഫ് സെക്രട്ടറിയോട് റിപ്പോര്ട്ട് തേടിയ ഡല്ഹി സര്ക്കാര് മജിസ്റ്റീരില് അന്വേഷണം പ്രഖ്യാപിച്ചിട്ടുണ്ട്.
https://www.facebook.com/Malayalivartha
