മുന്നറിയിപ്പുളെയെല്ലാം അവഗണിച്ച് കടലിലിറങ്ങിയ പതിനാല് കമ്പ്യൂട്ടര്‍ സയന്‍സ് വിദ്യാര്‍ത്ഥികള്‍ മുങ്ങിമരിച്ചു. ഇന്നലെ വൈകുന്നേരം നവി മുംബൈയിലെ മുരുദ് ബീച്ചിലാണ് സംഭവം. മരിച്ചവരില്‍ ഇരട്ട സഹോദരികളും ഉള്‍പ്പെടുന്നു. ആറുപേരെ പ്രദേശവാസികള്‍ രക്ഷപ്പെടുത്തി. നാട്ടുകാരും കോസ്റ്റുഗാര്‍ഡും ചേര്‍ന്നാണ് മൃതദേഹങ്ങള്‍ കണ്ടെടുത്തത്. മരിച്ച 14 പേരില്‍ 10 പേര്‍ ആണ്‍കുട്ടികളാണ്.

പുനെയിലെ അബേഗ ഇനാംദാര്‍ ആര്‍ട്‌സ് സയന്‍സ് ആന്റ് കൊമേഴ്‌സ് കോളേജിലെ വിദ്യാര്‍ത്ഥികളാണ് മരിച്ചത്. കോളേജിലെ ബി.എസ്.സി കമ്പ്യൂട്ടര്‍ സയന്‍സ് വിദ്യാര്‍ത്ഥികളും അധ്യാപകരും അനധ്യാപകരും അടങ്ങുന്ന 115 ഓളം പേരാണ് പിക്‌നിക്കിനായി മുരുദ് ബീച്ചിലെത്തിയത്.
ആന്ധ്രയില്‍ വാഹനാപകടം: അഞ്ചുമലയാളികള്‍ ഉള്‍പ്പെടെ ആറ് മരണംമുരുദ് ബീച്ചില്‍ ഇതാദ്യമായാണ് ഇത്രയും പേര്‍ അപകടത്തില്‍പ്പെടുന്നത്. പ്രാദേശിക ഭരണകൂടം ഇവിടെ അപകടമുന്നറിയിപ്പ് ബോര്‍ഡുകള്‍ സ്ഥാപിച്ചിട്ടുണ്ടായിരുന്നു. മുമ്പും ഇവിടെ ആളുകള്‍ മുങ്ങിമരിച്ചിട്ടുണ്ട്. ഈ മുന്നറിയപ്പുകള്‍ അവഗണിച്ചാണ് വിദ്യാര്‍ത്ഥികള്‍ കടലിലിറങ്ങിയത്. പ്രദേശവാസികളുടെ മുന്നറിയിപ്പും വിദ്യാര്‍ത്ഥികള്‍ കാര്യമായെടുത്തില്ലെന്നും റായ്ഗഡ് പോലീസ് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha