പത്താന്കോട്ട് ഭീകരാക്രമണത്തിലെ ഭീകരന്റെ ഫോണ് സന്ദേശം പുറത്ത്, 'അമ്മയുടെ മകന് രണ്ടു കാഫിറുകളെ കഴുത്തറുത്ത് കൊന്നു'
രാജ്യത്തെ ഒന്നാകെ ഞെട്ടിച്ച പത്താന്കോട്ട് ഭീകരാക്രമണത്തിലെ ഭീകരന്റെ ഫോണ് സന്ദേശം പുറത്ത്. 'അമ്മയുടെ മകന് രണ്ടു കാഫിറുകളെ കഴുത്തറുത്ത് കൊന്നു'. ഇതായിരുന്നു ഫോണ് സന്ദേശം.
പത്താന്കോട്ട് ഭീകരാക്രമണത്തിലെ നുഴഞ്ഞു കയറ്റക്കാരിലൊരാളായ നസീര് വീട്ടുകാരുമായി സംസാരിക്കുന്ന സംഭാഷണമാണ് പുറത്തായത്.
ബന്ദിയായിരുന്ന രാജേഷ് വര്മ്മയുടെ നമ്പറില് നിന്നുമാണ് പത്താന്കോട്ട് എയര്ബേസിനകത്തു വച്ച് നസീര് വീട്ടുകാരെ വിളിച്ചത്. 18 മിനിറ്റ് നീളുന്ന സംഭാഷണത്തിന്റെ പൂര്ണരൂപമാണ് പുറത്തുവന്നത്. അമ്മ, സഹോദരന്, അമ്മാവന് എന്നീവരുമായാണ് നസീര് സംസാരിക്കുന്നത്.
രണ്ട് പേരെ താന് കഴുത്തറത്ത് കൊന്നു എന്നു പറയുമ്പോള് 'നീ മിടുക്കനാണ്. ദൈവം നിനക്ക് സ്വര്ഗം തരും..' എന്ന് അമ്മ മറുപടി പറയുന്നു. കൂടാതെ ആക്രമണത്തിന്റെ മറ്റു വിവരണങ്ങളും പദ്ധതികളും കൂടി നസീര് വീട്ടുകാരുമായി ചര്ച്ച ചെയ്തതും ടെലിഫോണ് സംഭാഷണത്തില് വ്യക്തമാകുന്നുണ്ട്.
ടെലിഫോണ് സംഭാഷണത്തിന്റെ പ്രസക്തഭാഗങ്ങള്
നാസിര്: ഷാ....അസ്ലാം അലൈയ്ക്കും. നാസിറാണ്.
അമ്മാവന്: വാഅലൈക്കും സലാം. നീ എവിടെയാണ്? സുരക്ഷിതനാണോ?
നാസിര്: ഞാന് മറ്റൊരു രാജ്യത്താണ്. അമ്മ എവിടെ?
അമ്മാവന്: അവരോട് പെട്ടെന്ന് സംസാരിക്കു.
അമ്മ: എന്റെ മകനേ...നീ എവിടെയാണ്? സുരക്ഷിതനാണെന്ന് കരുതട്ടേ...
നാസിര്: ഞങ്ങള് ഇന്ത്യയ്ക്കുള്ളില് ആണ്. രണ്ട് കാഫിറുകളെ കൊന്നു. ഞാന് കത്തി ഉപയോഗിച്ച് അവരുടെ തലയറുത്തു. ഇപ്പോള് ഞങ്ങള് വലുതും അവസാനത്തെയും ആക്രമണത്തിന് തയാറായിരിക്കുകയാണ്. പിടിക്കപ്പെടുമോ എന്ന് മറ്റെയാള്ക്ക് ഭയമാണ്. ഞാന് പറഞ്ഞു ഇന്ത്യയെ ഭയക്കേണ്ടെന്ന്.
അമ്മ: നീ ധീരനാണ്. സ്വര്ഗത്തിലെത്താന് അള്ളാ നിന്നെ സഹായിക്കട്ടേ.
നാസിര്: നിങ്ങള് എനിക്കു വേണ്ടി തുന്നിയ ജാക്കറ്റാണ് ഞാന് ധരിച്ചിരിക്കുന്നത്.
അമ്മ: പക്ഷേ, നിങ്ങള് എങ്ങിനെയാണ് ഇന്ത്യയില് എത്തിയത്?
നാസിര്: എസ്!യുവി കാറുകളിലാണ് ഞങ്ങള് അതിര്ത്തിയില് എത്തിയത്.
അമ്മ: എന്തെങ്കിലും ഭക്ഷണം കഴിച്ചോ?
നാസിര്: ഉണങ്ങിയ പഴങ്ങളും ചോക്കളേറ്റുകളും ഉണ്ട്. വേറൊന്നും ഇല്ല.
അമ്മ: പക്ഷേ, നിങ്ങള് കാഫിറുകളെ കൊന്നോ?
നാസിര്: ഇപ്പോള് എല്ലാം വിശദീകരിക്കാനുള്ള സമയമില്ല. ഇതെന്റെ അവസാന സംഭാഷണം ആകും. എനിക്ക് ഭാവിയിലേക്ക് ഈ സംഭാഷണം റെക്കോര്ഡ് ചെയ്യണം.
അമ്മ: അതെങ്ങനെയാണെന്ന് എനിക്ക് അറിയില്ല.
നാസിര്: ഈ ഫോണില് എങ്ങിനെയാണ് ചെയ്യുകയെന്ന് ബാബറിന് (സഹോദരന്) അറിയാം. (റെക്കോര്ഡര് ഓണ് ആവുന്നു. ഫോണ് ബാബര് എടുക്കുന്നു)
നാസിര്: ബാബര്, എന്റെ വീരമൃത്യു ഉസ്താദ് അറിയിച്ചാല് നിങ്ങള് എല്ലാവരും വിരുന്ന് നടത്തണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
