താജ്മഹലിന്റെ കേടുപാടുണ്ടോ എന്ന് പരിശോധിക്കാന് രാജ്യത്തെ വിധഗ്ദരുടെ അഭിപ്രായം തേടണമെന്ന് സുപ്രീം കോടതി
ന്യൂഡല്ഹി ശ്മശാനത്തില് നിന്നുള്ള പുക താജ്മഹലിന് കേടുപാടുണ്ടാക്കുന്നുണ്ടോ എന്ന് കണ്ടെത്താന് രാജ്യത്തെ ഐ.ഐ.ടികളിലെ വിധഗ്ദരുടെ അഭിപ്രായം തേടണമെന്ന് സുപ്രീം കോടതി. താജ്മഹലിന്റെ പരിസരത്തുളള ശ്മശാനങ്ങളില് നിന്നുയരുന്ന പുക താജ്മഹലിന്റെ വെളുത്ത മാര്ബിളിന് കോട്ടമുണ്ടാക്കുന്നതായി കഴിഞ്ഞ വര്ഷം താജ്മഹല് സന്ദര്ശിച്ച സുപ്രീം കോടതി ജഡ്ജിയും സംഘവും കണ്ടെത്തിയിരുന്നു. പരിസ്ഥിതി പ്രവര്ത്തകരും ഈ ആശങ്ക ഉന്നയിച്ചിരുന്നു. കുറച്ച് കൂടി പരിസ്ഥിതി സൗഹൃദ ശ്മശാനങ്ങള് നിര്മ്മിച്ചു കൊണ്ടും മലിനീകരണം കുറഞ്ഞ സംസ്കരണ രീതി ഉപയോഗിച്ചുംപുകയുടെ തോത് കുറയ്ക്കാന് ശ്രമിക്കണമെന്നായിരുന്നു ജഡ്ജിമാര് മുന്നോട്ട് വെച്ച നിര്ദ്ദേശങ്ങള്. ഒരു ദിവസം ഏകദേശം ഇരുപത്തിയഞ്ചോളം ശവസംസ്കാരങ്ങള് താജ്മഹലിനു സമീപത്തുളള ശ്മശാനത്തില് നടക്കുന്നു എന്നാണ് കണക്കുകള്. കഴിഞ്ഞ വര്ഷം താജ്മഹല് സന്ദര്ശിച്ച് നിരീക്ഷണം നടത്തിയ പാര്ലമെന്ററി സമിതി ഒരു പാട് കറുത്തപ്പാടുകള് താജ്മഹലില് കണ്ടെത്തിയിരുന്നു. തുടര്ന്ന് ആര്ക്കിയോളജില് സര്വെ ഓഫ് ഇന്ത്യയോട് അടിയന്തര നടപടി സ്വീകരിക്കാനും ആവശ്യപ്പെട്ടിരുന്നു. താജ്മഹലിന് സമീപമുളള ശ്മശാനം മാറ്റി സ്ഥാപിക്കാന് ആര്ക്കിയോളജില് സര്വെ ഓഫ് ഇന്ത്യ നിര്ദ്ദേശിച്ചെങ്കിലും പ്രദേശവാസികളുടെ എതിര്പ്പിനെ തുടര്ന്ന് ആ തീരുമാനം നടപ്പിലാക്കാന് കഴിഞ്ഞില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
