2014 സെപ്തംബര്‍ ഒന്നിന് പ്രായപൂര്‍ത്തിയാകാത്ത കുട്ടിയെ തട്ടിക്കൊണ്ടുപോയി കൊലപ്പെടുത്തിയ കേസില്‍ നാഗ്പൂര്‍ കോടതി പ്രതികള്‍ക്ക് വധശിക്ഷ വിധിച്ചു. എട്ടു വയസുകാരനായ യഗ് ചന്ദഗിനെ പ്രതികളായ രാജേഷ് ധനലാല്‍ ദവാരേ(21)യും സുഹൃത്ത് അരവിന്ദ് അഭിലാഷ് സിംഗ്(25) എന്നിവര്‍ ചേര്‍ന്ന് കൊലപ്പെടുത്തിയത്. ബി.കോം വിദ്യാര്‍ത്ഥികളായ ഇവര്‍ക്ക് 15000 രൂപ പിഴയും വിധിച്ചിട്ടുണ്ട്. ഐ.പി.സി സെക്ഷന്‍ 364 എ, 302, 201, 120ബി എന്നിവ പ്രകാരമാണ് പ്രതികള്‍ക്കെതിരെ കേസെടുത്തിരിക്കുന്നത്.
സംഭവത്തില്‍ പ്രതികളെ സഹായിക്കുകയും ഗൂഡാലോചനയില്‍ പങ്കുകൊള്ളുകയും ചെയ്ത ദവാരെയുടെ 17 വയസുകാരനായ സഹോദരനെ ജുവനൈല്‍ റിമാന്റ് ബോര്‍ഡിലാക്കി. കുട്ടിയുടെ കൊലപാതകത്തില്‍ പ്രതിഷേധിച്ച് നാഗ്പൂരിലെ ജനങ്ങള്‍ കാന്റില്‍ ലൈറ്റ് മാര്‍ച്ചുകളും സാമൂഹിക മാദ്ധ്യമങ്ങളില്‍ കൂടി പ്രചാരണവും നടത്തിയിരുന്നു.
തെളിവുകളുടെ സൂക്ഷ്മപരിശോധനയിലൂടെ പ്രതികളെ കുട്ടിക്ക് അറിയാമായിരുന്നുവെന്നും കുട്ടിയുടെ രക്ഷിതാക്കളോടുള്ള പ്രതികാരത്തിനായി അവന്റെ വിശ്വാസത്തെ ചതിക്കുകയും സമ്പന്നരാകാന്‍ വേണ്ടി കുട്ടിയെ കൊലപ്പെടുത്തിയതായി വെളിപ്പെട്ടതായും വിധി പ്രഖ്യാപിച്ച ജഡ്ജി സോനവെയ്ന്‍ പറഞ്ഞു. കൊലപാതകത്തിന് ശേഷം പട്ടാന്‍സാവംഗിയിലെ നുള്ളയില്‍ മൃതശരീരം മറവുചെയ്തത് അടക്കമുള്ള പ്രതികളുടെ പ്രവര്‍ത്തി അവരുടെ ക്രൂര മനോഭാവമാണ് കാണിക്കുന്നതെന്നും അദ്ദേഹം അഭിപ്രായപ്പെട്ടു. നിഷ്‌കളങ്കനായ ഒരു കുട്ടിയെ മനപൂര്‍വം മുന്‍ നിശ്ചയ പ്രകാരം കൊലപ്പെടുത്തി എന്നതാണ് സത്യമെന്നും കോടതി പറഞ്ഞു.
യുഗിന്റെ ശരീരത്തില്‍ കഴുത്തിലേത് ഉള്‍പ്പെടെ 26 മുറിവുകള്‍ ഉണ്ടായിരുന്നു. പ്രതികള്‍ക്കെതിരെ 50 പേരാണ് സാക്ഷി പറയാന്‍ ഉണ്ടായിരുന്നത്. അഡിഷണല്‍ പബ്ലിക്ക് പ്രോസിക്യൂട്ടര്‍ ജ്യോതി വാജാനി, ചന്ദഗിന്റെ കുടുംബ വക്കീല്‍ രാജേന്ദ്ര ദാഗാ, അന്വേഷണ ഉദ്യോഗസ്ഥന്‍ സത്യനാരായണ ജയ്ഷ്‌വാള്‍ എന്നിവര്‍ കോടതിയില്‍ ഹാജരായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha