കലക്ടറുടെ അനുമതി കൂടാതെ സമീപത്തു നിന്ന് സെല്ഫിയെടുത്ത യുവാവ് ജയിലില്
ഉത്തര്പ്രദേശില് വനിതാ ജില്ലാകളക്ടര് ബി.ചന്ദ്രകലക്കൊപ്പം അനുമതിയില്ലാതെ സെല്ഫിയെടുത്തതിനാണ് 18 വയസുകാരന് അറസ്റ്റിലായത്. ഈ മാസം ഒന്നിനായിരുന്നു സംഭവം. യുവാവ് തുടര്ച്ചയായി ചിത്രമെടുക്കുന്നത് ശ്രദ്ധിച്ച കലക്ടര് അവ നീക്കം ചെയ്യണമെന്ന് ആവശ്യപ്പെട്ടു. എന്നാല് ഇത് വിസമ്മതിച്ച യുവാവ് ഇത് തന്റെ കാമറയാണെന്ന് ധിക്കാരപൂര്വ്വമായ മറുപടിയാണ് നല്കിയത്. ഇതില് ഞെട്ടിപ്പോയ കലക്ടര് നടപടിയെടുക്കാന് പോലീസിനോട് നിര്ദേശിക്കുകയായിരുന്നു. മറ്റൊരാളുടെ അനുമതി കൂടാതെ അയാളുടെ ചിത്രമെടുക്കാന് പാടില്ലെന്ന മുന്നറിയിപ്പും കലക്ടര് നല്കി. കോടതിയില് ഹാജരാക്കിയ യുവാവിനെ 14 ദിവസത്തേക്ക് പോലീസ് കസ്റ്റഡിയില് വിട്ടിരിക്കുകയാണ്. 2008 ബാച്ച് യു.പി കേഡര് ഐ.എ.എസ് ഓഫീസര് ആയ ചന്ദ്രകല സാമൂഹ്യ മാധ്യമങ്ങളില് സുപരിചിതയാണ്.
റോഡ് നിര്മ്മാണത്തില് ഗുണനിലവാരമില്ലാത്ത വസ്തുകള് ഉപയോഗിച്ചതിന്റെ പേരില് ഉദ്ദ്യോഗസ്ഥരെ പരസ്യമായി ശാസിച്ചതിന് സോഷ്യല് മീഡിയയില് താരമായി മാറിയ ബുലന്ദ്ഷാഹിര് ജില്ലാ കളക്ടര് ബി. ചന്ദ്രകല ഒരു പ്രാദേശിക പരിപാടിയില് സംസാരിക്കവെ പ്രദേശവാസിയായ ഫറാദ് അഹമ്മദ് നിരന്തരം സെല്ഫി എടുക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
