രണ്ടു ദിവസം മുന്‍പ് പുലിയിറങ്ങിയ ബെംഗളൂരുവിലെ വര്‍ത്തൂരിലെ വിബ്ജിയോര്‍ സ്‌കൂളില്‍ വീണ്ടും പുലിയിറങ്ങി. ചൊവ്വാഴ്ച രാത്രി 9.30നും 10നും ഇടയിലാണ് സ്‌കൂളില്‍ വീണ്ടും പുലിയെ കണ്ടത്. സംഭവത്തെ തുടര്‍ന്ന് സ്‌കൂള്‍ അടച്ചു. രാത്രിയില്‍ പരിശോധന പ്രയാസമായതിനാല്‍ തിരച്ചില്‍ ഇന്നത്തേക്ക് മാറ്റിവയ്ക്കുകയായിരുന്നു. പ്രദേശവാസികളോട് വാതിലുകള്‍ അടച്ചിടാനും ജനവാതിലുകള്‍ തുറക്കരുതെന്നും വനം വകുപ്പ് ആവശ്യപ്പെട്ടിട്ടുണ്ട്. 

ഈ മാസം ഏഴാം തിയതിയാണ് ഇതിനു മുന്‍പ് സ്‌കൂളില്‍ പുലിയിറങ്ങിയത്. വനംവകുപ്പ് ഉദ്യോഗസ്ഥര്‍ മയക്കുവെടി വച്ചു പുലിയെ കീഴടക്കിയത്. പിന്നീട് മൂന്നു വയസ്സുള്ള പുള്ളിപ്പുലിയെ ബന്നാര്‍ഘട്ട ബയോളജിക്കല്‍ പാര്‍ക്കിലേക്കു മാറ്റി. 

അന്ന് പുലിയുടെ ആക്രമണത്തില്‍ മൂന്നു വനംവകുപ്പ് ജീവനക്കാര്‍ക്കു പരുക്കേറ്റിരുന്നു. ഇതില്‍ ഒരാളുടെ നില ഗുരുതരമാണ്. ഏഴര ഏക്കര്‍ വളപ്പില്‍ നുഴഞ്ഞുകയറിയതു പുലി തന്നെയെന്നു സിസി ടിവി ദൃശ്യങ്ങളില്‍നിന്നു സ്ഥിരീകരിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha