498(എ) ഭര്‍ത്താവിന്റെയോ ബന്ധുക്കളുടെയോ ക്രൂരതയ്ക്ക് വിധേയരാകുന്നതില്‍ നിന്ന് വിവാഹിതരായ സ്ത്രീകളെ സംരക്ഷിക്കുന്നു. ഈ നിയമപ്രകാരം, പ്രതിക്ക് 3 വര്‍ഷവും അതിനുമുകളിലും തടവും പിഴയും ലഭിക്കാം. ഭര്‍ത്താവിനും കുടുംബങ്ങള്‍ക്കുമെതിരെ സ്ത്രീകള്‍ നല്‍കുന്ന വിവാഹ തര്‍ക്ക കേസുകളില്‍ നിയമം ദുരുപയോഗം ചെയ്യുന്നതിനെതിരെ സുപ്രീം കോടതി മുന്നറിയിപ്പ് നല്‍കി.

ഇത് വ്യക്തിപരമായ പക അഴിച്ചുവിടാനുള്ള ഉപകരണമായി ഉപയോഗിക്കാന്‍ കഴിയില്ലെന്ന് പറഞ്ഞു. തെലങ്കാന ഹൈക്കോടതി നേരത്തെ തള്ളിക്കളയാന്‍ വിസമ്മതിച്ച സെക്ഷന്‍ 498 (എ) പ്രകാരം ഒരു യുവാവിനും കുടുംബത്തിനും എതിരെ ഫയല്‍ ചെയ്ത ഗാര്‍ഹിക പീഡന കേസ് റദ്ദ് ചെയാതാണ് ജസ്റ്റിസുമാരായ ബി വി നാഗരത്ന, എന്‍ കോടീശ്വര്‍ സിംഗ് എന്നിവരടങ്ങിയ ബെഞ്ച് ചൊവ്വാഴ്ച ഈ നിരീക്ഷണം നടത്തിയത്.

വിവാഹബന്ധം വേര്‍പെടുത്തണമെന്ന് ആവശ്യപ്പെട്ട് ഭര്‍ത്താവ് നല്‍കിയ ഹര്‍ജിക്ക് പിന്നാലെയാണ് യുവതി പരാതി നല്‍കിയിരുന്നത്. ക്രിമിനല്‍ പ്രോസിക്യൂഷന് അടിസ്ഥാനമാകില്ലെന്ന് വാദത്തിനിടെ സുപ്രീം കോടതി പറഞ്ഞു. വ്യക്തിപരമായ അസ്വാരസ്യങ്ങളും പകയും തീര്‍ക്കാന്‍ ഭാര്യ ഗൂഢലക്ഷ്യത്തോടെയാണ് കേസ് ഫയല്‍ ചെയ്തതെന്ന് ചൂണ്ടിക്കാട്ടി തെലങ്കാന ഹൈക്കോടതി കേസ് തള്ളാത്തത് ഗുരുതരമായ തെറ്റാണെന്നും സുപ്രീം കോടതി പറഞ്ഞു.

498(എ) വകുപ്പ് കൊണ്ടുവരുന്നത്, ഒരു സ്ത്രീക്കെതിരെ അവരുടെ ഭര്‍ത്താവും കുടുംബവും നടത്തുന്ന ക്രൂരത തടയാന്‍ ലക്ഷ്യമിട്ടുള്ളതാണെന്നും കോടതി പറഞ്ഞു. 'അടുത്ത കാലത്തായി, രാജ്യത്തുടനീളമുള്ള വൈവാഹിക തര്‍ക്കങ്ങളില്‍ ശ്രദ്ധേയമായ വര്‍ദ്ധനവുണ്ടായതിനാല്‍. വിവാഹിതര്‍ക്കിടയില്‍ വര്‍ദ്ധിച്ചുവരുന്ന അഭിപ്രായവ്യത്യാസവും പിരിമുറുക്കവും, അതിന്റെ ഫലമായി, സെക്ഷന്‍ 498(എ) പോലുള്ള വ്യവസ്ഥകള്‍ ദുരുപയോഗം ചെയ്യുന്ന പ്രവണത വര്‍ദ്ധിച്ചുവരികയാണ്. ഭര്‍ത്താവിനും കുടുംബത്തിനുമെതിരെ ഭാര്യയുടെ വ്യക്തിപരമായ പക തീര്‍ക്കാനുള്ള ഒരു ഉപകരണമായി.' കോടതി പറഞ്ഞു.

'ഇത്തരം കേസുകളില്‍ അവ്യക്തവും സാമാന്യവല്‍ക്കരിക്കപ്പെട്ടതുമായ ആരോപണങ്ങള്‍ ഉന്നയിക്കുന്നത് നിയമ നടപടികളുടെ ദുരുപയോഗത്തിലേക്ക് നയിക്കുകയും ഭാര്യയും അവളുടെ കുടുംബവും കൈകള്‍ വളച്ചൊടിക്കുന്ന തന്ത്രങ്ങള്‍ ഉപയോഗിക്കുന്നത് പ്രോത്സാഹിപ്പിക്കുകയും ചെയ്യും.' സുപ്രീം കോടതി പറഞ്ഞു.

'ചിലപ്പോള്‍, ഒരു ഭാര്യയുടെ യുക്തിരഹിതമായ ആവശ്യങ്ങള്‍ക്ക് അനുസൃതമായി പ്രവര്‍ത്തിക്കാന്‍ വേണ്ടി ഭര്‍ത്താവിനും കുടുംബത്തിനും എതിരെ സെക്ഷന്‍ 498(A) പ്രയോഗിക്കാന്‍ ശ്രമിക്കാറുണ്ട്. തല്‍ഫലമായി, ഭര്‍ത്താവിനെയും കുടുംബത്തെയും പ്രോസിക്യൂട്ട് ചെയ്യുന്നതിനെതിരെ ഈ കോടതി വീണ്ടും വീണ്ടും മുന്നറിയിപ്പ് നല്‍കിയിട്ടുണ്ട്. അവര്‍ക്കെതിരെ വ്യക്തമായ പ്രഥമദൃഷ്ട്യാ തെളിവുകളുടെ അഭാവത്തില്‍.' കോടതി പറഞ്ഞു.