കൊല്ലപ്പെട്ടവരില് അവധിക്കാലം ആഘോഷിക്കാന് യുഎസില് നിന്നെത്തിയ ടിസിഎസ് ജീവനക്കാരനും
23 APRIL 2025 06:10 PM IST
മലയാളി വാര്ത്ത
പെഹല്ഗാം ഭീകരാക്രമണത്തില് കൊല്ലപ്പെട്ടവരില് ഫ്ലോറിഡയിലെ ഐടി ജീവനക്കാരന് ബിതന് അധികാരിയും (40). കഴിഞ്ഞ ആഴ്ചയാണ് ടിസിഎസ് ജീവനക്കാരനായ ബിതന് ഫ്ലോറിഡയില്നിന്ന് എത്തിയത്. തുടര്ന്ന് അവധി ദിവസങ്ങള് ചെലവഴിക്കാന് ഭാര്യയ്ക്കും മൂന്ന് വയസ്സുള്ള മകനുമൊപ്പം കശ്മീരിലെത്തുകയായിരുന്നു. സന്ദര്ശനത്തിനു ശേഷം വ്യാഴാഴ്ച കൊല്ക്കത്തയിലേക്കു മടങ്ങാനിരിക്കെയായിരുന്നു ദുരന്തം. ഭാര്യ സോഹിണിയും മകനും കശ്മീരില് സുരക്ഷിതരാണ്.
വിവരം അറിഞ്ഞതിനു പിന്നാലെ, ബംഗാള് മുഖ്യമന്ത്രി മമത ബാനര്ജി സോഹിണിയുമായി സംസാരിച്ചു. ഇവരുടെ ദുഖത്തില് ആശ്വസിപ്പിക്കാന് വാക്കുകളില്ല എന്നാണ് മമത എക്സില് കുറിച്ചത്. മൃതദേഹം എത്രയും വേഗം നാട്ടിലേക്കെത്തിക്കാനുള്ള കാര്യങ്ങള് ചെയ്യുന്നുണ്ടെന്ന് മമതാ ബാനര്ജി അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
