പഹല്ഗാമില് ഭീകരരുടെ വെടിയേറ്റ് കൊല്ലപ്പെട്ട നാവിക ഉദ്യോഗസ്ഥനായ ലെഫ്റ്റനന്റ് വിനയ് നര്വാളിന് കണ്ണീരോടെ വിടനല്കി ഭാര്യ ഹിമാന്ഷി
കശ്മീരിലെ പഹല്ഗാമില് ഭീകരര് വെടിവച്ചുകൊന്ന നാവിക ഉദ്യോഗസ്ഥനായ ലെഫ്റ്റനന്റ് വിനയ് നര്വാളിന് കണ്ണീരോടെ വിടനല്കി ഭാര്യ ഹിമാന്ഷി. തന്റെ പ്രിയതമന്റെ ത്രിവര്ണ്ണ പതാകയില് പൊതിഞ്ഞ ശവപ്പെട്ടിക്കരികില് നിന്ന് ഹൃദയം നുറുങ്ങുന്ന വേദനയോടെ അവസാന സല്യൂട്ട് നല്കുന്ന ഹിമാന്ഷി കണ്ടുനിന്നവരുടെയും കണ്ണുനനയിച്ചു.
ഇന്ന് രാവിലെ വിനയ് യുടെ മൃതദേഹം ഡല്ഹിയില് എത്തിച്ചപ്പോള്, ഭാര്യ ഹിമാന്ഷി മൃതദേഹം വഹിച്ച പെട്ടിയെ ആലിംഗനം ചെയ്ത് പൊട്ടിക്കരഞ്ഞു. ബന്ധുക്കളും ഉറ്റവരും ഹിമാന്ഷിയെ ആശ്വസിപ്പിക്കാനാവാതെ വികരാധീനരായി. ''നമ്മള് എല്ലാ ദിവസവും അവനെക്കുറിച്ച് അഭിമാനിക്കും... നമ്മള് അവനെക്കുറിച്ച് അഭിമാനിക്കണം,'' വിറയ്ക്കുന്ന ശബ്ദത്തില് ഹിമാന്ഷി പറഞ്ഞു.
''അദ്ദേഹത്തിന്റെ ആത്മാവിന് നിത്യശാന്തി ലഭിക്കട്ടെ. അദ്ദേഹം എവിടെയായിരുന്നാലും അദ്ദേഹത്തിന് ഏറ്റവും മികച്ച ജീവിതമാണ് ലഭിക്കുന്നത്. എല്ലാ വിധത്തിലും ഞങ്ങള് അദ്ദേഹത്തെ അഭിമാനിപ്പിക്കും. അദ്ദേഹം കാരണമാണ് ഞങ്ങള് ഇപ്പോഴും അതിജീവിക്കുന്നത്,'' കൊല്ലപ്പെട്ട തന്റെ ഭര്ത്താവിന് വിടപറയവെ ഹിമാന്ഷി കൂട്ടിച്ചേര്ത്തു.
ഭാര്യ ഹിമാന്ഷിക്കൊപ്പം ഹണിമൂണ് ആഘോഷിക്കാന് കശ്മീരിലെ പഹല്ഗാമിലെത്തിയതാണ് വിനയ്. ഇവിടെവച്ചാണ് വിനയിനെ ഭീകരര് വെടിവച്ചുകൊന്നത്. കഴിഞ്ഞ ആഴ്ചയായിരുന്നു (ഏപ്രില് 16) ഇരുവരുടേയും വിവാഹം. രണ്ട് വര്ഷം മുന്പാണ് ലെഫ്റ്റനന്റ് വിനയ് നര്വാള് ഇന്ത്യന് നാവികസേനയില് കമ്മീഷന് ചെയ്യപ്പെട്ടത്. ഹരിയാനയിലെ കര്ണാല് സ്വദേശിയായ 26 കാരനായ വിനയ് യുടെ മൃതദേഹം വൈകുന്നേരം 5 മണിക്ക് ജന്മനാട്ടിലേക്ക് കൊണ്ടുപോകും. നാളെ അന്ത്യകര്മങ്ങള് നടക്കും. കര്ണാല് ജില്ലയിലെ ഘരൗണ്ടയില് നിന്നുള്ള ബിജെപി എംഎല്എയും ഹരിയാന നിയമസഭാ സ്പീക്കര് ഹര്വീന്ദര് കല്യാണും ദുഃഖിതരായ കുടുംബത്തെ ആശ്വസിപ്പിക്കാന് കര്ണാല് നഗരത്തിലെത്തി.
https://www.facebook.com/Malayalivartha
