ജമ്മു കശ്മീരിലെ പഹല്ഗാമിലുണ്ടായ ഭീകരാക്രമണം... നിരവധി ലോകരാജ്യങ്ങള് ആക്രമണത്തെ അപലപിച്ചു.... ആക്രമണത്തിന്റെ പശ്ചാത്തലത്തില് പാക്കിസ്ഥാനോടുള്ള നിലപാട് കടുപ്പിച്ച് ഇന്ത്യ
പഹല്ഗാമിലുണ്ടായ ഭീകരാക്രമണത്തില് നിരവധി ലോകരാജ്യങ്ങള് ആക്രമണത്തെ അപലപിച്ചു. ആക്രമണത്തിന് പാകിസ്ഥാനില് നിന്ന് പിന്തുണ കിട്ടിയെന്നും വിദേശകാര്യ സെക്രട്ടറി മാധ്യമങ്ങളോട് പറഞ്ഞു. അതേസമയം, ആക്രമണത്തിന്റെ പശ്ചാത്തലത്തില് പാക്കിസ്ഥാനോടുള്ള നിലപാട് ഇന്ത്യ കടുപ്പിച്ചു . പ്രധാനപ്പെട്ട അഞ്ചോളം തീരുമാനങ്ങളാണ് ഇന്ത്യ കൈക്കൊണ്ടിട്ടുള്ളത്.
സിന്ധുനദീജല കരാര് മരവിപ്പിക്കുകയും അട്ടാരി അതിര്ത്തി അടയ്ക്കുകയും ചെയ്തു . അതിര്ത്തി കടന്നവര്ക്ക് മെയ് ഒന്നിന് മുന്പ് തിരിച്ചെത്താവുന്നതാണ്. പാകിസ്ഥാന് പൗരന്മാര്ക്ക് വീസ നല്കില്ലെന്നതാണ് മറ്റൊരു തീരുമാനം. എസ് വി ഇ എസ് (SVES) വിസയില് ഇന്ത്യയിലുള്ളവര് 48 മണിക്കൂറിനുള്ളില് തിരികെ പോകേണ്ടതാണ്. പാകിസ്ഥാന് ഹൈക്കമ്മീഷനിലെ പ്രതിരോധ ഉദ്യോഗസ്ഥരെയും പുറത്താക്കി. ഇവര് ഒരാഴ്ചയ്ക്കുള്ളില് ഇന്ത്യയില് നിന്ന് പിന്മാറേണ്ടതാണ്. ഇന്ത്യയും പാകിസ്ഥാനിലെ പ്രതിരോധ ഉദ്യോഗസ്ഥരെ തിരിച്ചുവിളിക്കുമെന്നും സെക്രട്ടറി അറിയിച്ചിട്ടുണ്ട.
അതേസമയം കനത്ത ജാഗ്രത തുടരണമെന്ന് സേനകള്ക്ക് നിര്ദ്ദേശം നല്കി. ആക്രമണത്തിന് പിന്നിലുള്ളവരെ പുറത്തുകൊണ്ടുവരും. അവര്ക്ക് പിന്നില് പ്രവര്ത്തിച്ചവരെയും കണ്ടെത്തും. അതേസമയം, ഭീകരാക്രമണത്തിന്റെ പശ്ചാത്തലത്തില് സര്വകക്ഷി യോഗം ഇ്ന്ന് നടക്കും. പ്രതിരോധമന്ത്രി രാജ്നാഥ് സിംഗിന്റെ അധ്യക്ഷതയിലായിരിക്കും യോഗം .
https://www.facebook.com/Malayalivartha
