മഹാരാഷ്ട്രയിലെ ഡല്‍ഹി-ഷിര്‍ദ്ദി വിമാനത്തില്‍ വെച്ച് മദ്യപിച്ച യാത്രക്കാരന്‍ എയര്‍ ഹോസ്റ്റസിനെ ലൈംഗികമായി പീഡിപ്പിച്ചതായി പരാതി. വെള്ളിയാഴ്ച ഉച്ചയ്ക്ക് ഇന്‍ഡിഗോ വിമാനം ഷിര്‍ദ്ദി വിമാനത്താവളത്തില്‍ ഇറങ്ങിയതിന് ശേഷമാണ് പ്രതിയെ അറസ്റ്റ് ചെയ്തത്. വിമാനത്തിലെ ടോയ്ലറ്റിന് സമീപം യാത്രക്കാരന്‍ എയര്‍ ഹോസ്റ്റസിനെ അനുചിതമായി സ്പര്‍ശിച്ചതായി പോലീസ് ഉദ്യോഗസ്ഥന്‍ പറഞ്ഞു. മോശം പ്രവൃത്തിയില്‍ കുപിതയായ എയര്‍ ഹോസ്റ്റസ് തന്റെ ക്രൂ മാനേജരെ വിവരമറിയിച്ചു.

വിമാനം ഷിര്‍ദ്ദി വിമാനത്താവളത്തില്‍ ഇറങ്ങിയ ശേഷം സുരക്ഷാ ഉദ്യോഗസ്ഥരാണ് ഇക്കാര്യം അറിയിച്ചത്. യാത്രക്കാരനെ കസ്റ്റഡിയിലെടുത്തതായും ഉദ്യോഗസ്ഥര്‍ പറഞ്ഞു.
അയാളെ റഹത പോലീസ് സ്റ്റേഷനിലേക്ക് കൊണ്ടുപോയി, അവിടെ വെച്ച് പീഡനത്തിന് കേസ് രജിസ്റ്റര്‍ ചെയ്തു. വൈദ്യപരിശോധനയില്‍ അയാള്‍ മദ്യം കഴിച്ചിട്ടുണ്ടെന്ന് സ്ഥിരീകരിച്ചു.