ഇന്ത്യന്‍ അതിര്‍ത്തി കടക്കാന്‍ ശ്രമിച്ച പാക് പൗരന്‍ അറസ്റ്റില്‍
05 MAY 2025 08:46 PM IST
മലയാളി വാര്‍ത്ത
പഞ്ചാബിലെ ഗുരുദാസ്പൂരില്‍ ഇന്ത്യന്‍ അതിര്‍ത്തി കടക്കാന്‍ ശ്രമിക്കുന്നതിനിടെ പാക്കിസ്ഥാന്‍ സ്വദേശിയായ യുവാവ് അറസ്റ്റില്‍. ഹുസ്‌നൈന്‍ (24) എന്നയാളെ പഞ്ചാബ് പൊലീസാണ് പിടികൂടിയത്. ഇയാളില്‍നിന്നും പാക്കിസ്ഥാന്റെ ദേശീയ തിരിച്ചറിയല്‍ കാര്‍ഡ് പിടിച്ചെടുത്തു. ഇന്നലെ രാത്രിയാണ് ഹുസ്‌നൈന്‍ അതിര്‍ത്തി കടക്കാന്‍ ശ്രമിച്ചതെന്നാണ് വിവരം.
40 രൂപയ്ക്ക് തുല്യമായ പാക്കിസ്ഥാന്‍ കറന്‍സിയും ഹുസ്‌നൈന്റെ കൈവശമുണ്ടായിരുന്നു. ഇയാള്‍ മാനസിക വെല്ലുവിളി നേരിടുന്നയാളാണെന്നും രാജ്യാന്തര അതിര്‍ത്തിക്ക് സമീപം അലഞ്ഞുനടക്കുകയായിരുന്നുവെന്നും പഞ്ചാബ് പൊലീസ് വൃത്തങ്ങള്‍ പറഞ്ഞു. അനധികൃതമായാണ് ഇയാള്‍ ഇന്ത്യയിലേക്ക് കടന്നതെന്നും ഇതുവരെ തീവ്രവാദ ബന്ധമൊന്നും കണ്ടെത്തിയിട്ടില്ലെന്നും പൊലീസ് പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
