യുപിയിൽ നിന്ന് പുറത്ത് വരുന്നത്  നടുക്കുന്ന  ഒരു വാർത്തയാണ്.ഹൽദി ആഘോഷത്തിൽ നൃത്തം ചെയ്യുന്നതിനിടെ നവവധു കുഴഞ്ഞു വീണ് മരിച്ചു.  നടുക്കുന്ന സംഭവം ഉണ്ടായിരിക്കുന്നത് ബദൗൺ ജില്ലയിലാണ്.  ഈ സംഭവത്തിന്റെ വീഡിയോ ദൃശ്യങ്ങൾ പുറത്ത് വന്നിരിക്കുകയാണ്. ബദൗണിലെ നൂർപുരിലെ പിനോയ് ഗ്രാമത്തിൽ ഇസ്ലാംനഗർ പൊലീസ് സ്റ്റേഷൻ പരിധിയിലാണ്  ഈ സംഭവംഅരങ്ങേറിയൊരിക്കുന്നത് .

ആഘോഷങ്ങൾക്കിടെയാണ്  മരണം സംഭവിച്ചത്. ഹൽദി ആഘോഷം  പൂർത്തിയായി. അതിഥികൾ പോയ ശേഷം വീട്ടുകാർ നൃത്തം ചെയ്യുകയായിരുന്നു.  ബന്ധുക്കൾക്കൊപ്പം 22-കാരിയും നൃത്തം ചെയ്യുകയായിരുന്നു. ഇതിനിടെ യുവതി പെട്ടെന്ന് കുഴഞ്ഞു വീണു.  സഹായിക്കാൻ ശ്രമിച്ചെങ്കിലും ജീവൻ രക്ഷിക്കാൻ സാധിച്ചില്ല . 

ആശുപത്രിയിൽ എത്തിച്ചപ്പോഴേക്കും യുവതിയുടെ മരണം സ്ഥിരീകരിച്ചു . പ്രാഥമിക നിഗമനം അനുസരിച്ച്  മരണ കാരണം ഹൃദയാഘാതമാണ്   . തിങ്കളാഴ്ച രാവിലെ വരന്റെ വിവാഹ ഘോഷ യാത്ര എത്തേണ്ടയിടത്തായിരുന്നു നവവധുവിന്റെ മൃതശരീരമെത്തിയത്. യുവതിയുടെ മാതാവ് ഷോക്കിൽ ബോധരഹിതയായി വീണു.