ഛത്തീസ്ഗഢിലെ നാരായണ്‍പൂര്‍ ജില്ലയിലെ അബുജ്മദ് മേഖലയിലുണ്ടായ ഏറ്റുമുട്ടലില്‍ 6 മാവോയിസ്റ്റുകളെ വധിച്ച് സുരക്ഷാസേന. ഇ്ന്നലെ ഉച്ചകഴിഞ്ഞാണ് ഏറ്റുമുട്ടല്‍ ആരംഭിച്ചത്. ഏറ്റുമുട്ടലുണ്ടായ പ്രദേശത്തുനിന്നും ആറ് മാവോയിസ്റ്റുകളുടെ മൃതദേഹങ്ങള്‍ കണ്ടെടുത്തതായി സുരക്ഷാ സേന .

പ്രദേശത്ത് മാവോയിസ്റ്റ് സാന്നിധ്യമുണ്ടെന്ന പ്രത്യേക രഹസ്യാന്വേഷണ വിവരത്തിന്റെ അടിസ്ഥാനത്തില്‍ സുരക്ഷാ സേനയുടെ സംയുക്ത സംഘങ്ങള്‍ പ്രദേശത്ത് തിരച്ചില്‍ ആരംഭിക്കുകയായിരുന്നു. ഓപ്പറേഷന്‍ ആരംഭിച്ചതിന് തൊട്ടുപിന്നാലെ സേനയും മാവോയിസ്റ്റുകളും തമ്മില്‍ വെടിവയ്പ്പ് നടന്നു.

സ്ഥലത്ത് നിന്ന് എകെ-47, എസ്എല്‍ആര്‍ റൈഫിളുകള്‍, മറ്റ് നിരവധി ആയുധങ്ങള്‍, സ്‌ഫോടകവസ്തുക്കള്‍, എന്നിവയുള്‍പ്പെടെ വലിയൊരു ആയുധശേഖരം സൈന്യം കണ്ടെടുക്കുകയും ചെയ്തു.