ബാങ്ക് ഓഫ് ബറോഡയുടെ ബാരാമതി ടൗണ്‍ ചീഫ് മാനേജരെ ആത്മഹത്യ ചെയ്ത നിലയില്‍ കണ്ടെത്തി. ബാങ്ക് പരിസരത്ത് വ്യാഴാഴ്ച രാത്രിയായിരുന്നു സംഭവം. ഉത്തര്‍പ്രദേശ് പ്രയാഗ് രാജ് സ്വദേശിയായ ശിവശങ്കര്‍ മിശ്ര(52)യെയാണ് മരിച്ച നിലയില്‍ കണ്ടെത്തിയത്.

വിവരമറിഞ്ഞ് ബാരമതി സിറ്റി പൊലീസെത്തി തുടര്‍നടപടികള്‍ സ്വീകരിക്കുകയും ചെയ്തു. ആത്മഹത്യക്കുറിപ്പില്‍ അമിത ജോലി സമ്മര്‍ദ്ദമാണ് മരണകാരണമെന്ന് എഴുതിയിരുന്നതായി പൊലീസ് .

ശിവശങ്കര്‍ മിശ്ര ജൂലൈ 11ന് ബാങ്കിന് രാജി സമര്‍പ്പിച്ചിട്ടുണ്ടായിരുന്നു. ആരോഗ്യ പ്രശ്‌നങ്ങള്‍ മൂലവും ജോലി സമ്മര്‍ദ്ദവും കാരണമാണ് രാജി വെക്കുന്നതെന്നാണ് രാജിക്കത്തില്‍ പറഞ്ഞിരുന്നത്.
ആത്മഹത്യാക്കുറിപ്പില്‍ ഏതെങ്കിലും പ്രത്യേക ജീവനക്കാരനെ കുറ്റപ്പെടുത്തിയതായി കാണുന്നില്ല എന്നും പൊലീസ് .