ഖത്തറിനെതിരായ ഇസ്രയേല്‍ ആക്രമണത്തെ അപലപിച്ച് പ്രധാനമന്ത്രി നരേന്ദ്രമോദി. ഇന്നലെ ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനിയുമായി ഫോണില്‍ സംസാരിച്ചു, ദോഹയിലെ ആക്രമണങ്ങളില്‍ അഗാധമായ ആശങ്ക പ്രകടിപ്പിച്ചു.


ഖത്തര്‍ സഹോദരരാജ്യമാണ്. അവിടെ നടന്ന പരമാധികാര ലംഘനത്തെ ഇന്ത്യ അപലപിക്കുകയാണ്. സംഭാഷണത്തിലൂടെയും നയതന്ത്രത്തിലൂടെയും പ്രശ്നങ്ങള്‍ പരിഹരിക്കുന്നതിനും സംഘര്‍ഷം ഒഴിവാക്കുന്നതിനും ഇന്ത്യയുടെ പിന്തുണയുണ്ടാകും. മേഖലയില്‍ സമാധാനവും സ്ഥിരതയും നിലനിര്‍ത്താനും, ഭീകരതയ്ക്കെതിരായ പോരാട്ടത്തിലും ഖത്തറിനൊപ്പം ഇന്ത്യയുണ്ടെന്നും കൂട്ടിച്ചേര്‍ക്കുകയും ചെയ്തു.