ഛത്തീസ്ഗഢിലെ ഗരായബന്ദ് ജില്ലയിലുണ്ടായ ഏറ്റുമുട്ടലില്‍ സേന പത്ത് മാവോയിസ്റ്റുകളെ വധിച്ചു. തലയ്ക്ക് ഒരു കോടി വിലയിട്ടിരുന്ന മോദം ബാലകൃഷ്ണ എന്ന മനോജ് ഉള്‍പ്പെടെ 10 മാവോയിസ്റ്റുകളെയാണ് സുരക്ഷാ സേന വധിച്ചത്. മേഖലയില്‍ ഏറ്റുമുട്ടല്‍ തുടരുകയാണ്. മെയ്ന്‍പുര്‍ പൊലീസ് സ്‌റ്റേഷന്‍ പരിധിയിലുള്ള വന പ്രദേശത്ത് നടത്തിയ മാവോയിസ്റ്റ് വേട്ടയ്ക്കിടെയാണ് ഏറ്റുമുട്ടലുണ്ടായത്. സ്‌പെഷ്യല്‍ ടാസ്‌ക് ഫോഴ്‌സ്, കോബ്ര, മറ്റ് പൊലീസ് സേനകള്‍ സംയുക്തമായാണ് മാവോയിസ്റ്റുകള്‍ക്കെതിരെ ഏറ്റുമുട്ടുന്നത്.

അതിനിടെ നാരായണ്‍പുര്‍ ജില്ലയില്‍ 16 മാവോയിസ്റ്റുകള്‍ ആയുധം വച്ച് കീഴടങ്ങിയിരുന്നു. കഴിഞ്ഞ കുറച്ചു മാസങ്ങളായി മാവോയിസ്റ്റുകള്‍ക്കെതിരെ സംസ്ഥാനത്ത് വലിയ തോതിലുള്ള ഓപ്പറേഷനുകളാണ് സേന നടത്തുന്നത്.