ചെങ്കോട്ടയിലെ സ്‌ഫോടനത്തില്‍ പരിക്കേറ്റവരെ സന്ദര്‍ശിച്ച് പ്രധാനമന്ത്രി
ദില്ലി ചെങ്കോട്ടയിലെ സ്‌ഫോടനത്തിന് പിന്നിലെ ദില്ലി നഗരത്തില്‍ ഉടനീളം ജാഗ്രത നിര്‍ദേശം പുറപ്പെടുവിച്ചിരിക്കുകയാണ്. സ്‌ഫോടനത്തിന് പിന്നില്‍ ഗൂഢാലോചന നടത്തിയവരെ നിയമത്തിന് മുന്നില്‍ കൊണ്ടുവരുമെന്ന് പ്രധാനമന്ത്രി നരേന്ദ്രമോദി. എല്‍എന്‍ജെപി ആശുപത്രിയിലെത്തി സ്‌ഫോടനത്തില്‍ പരിക്കേറ്റവരെയും മോദി സന്ദര്‍ശിച്ചു. ചുവന്ന കളര്‍ എക്കോ സ്‌പോര്‍ട്ട് കാര്‍ കണ്ടുപിടിക്കാനാണ് ജാഗ്രത നിര്‍ദേശം നല്‍കിയിരിക്കുന്നത്.
സ്‌ഫോടനത്തില്‍ ഉപയോഗിച്ച ഐ20 കാറിന്റെ ഉടമസ്ഥര്‍ക്ക് എക്കോ സ്‌പോര്‍ട്ട് കാറുമായി ബന്ധമുണ്ടെന്നാണ് അന്വേഷണ ഉദ്യോഗസ്ഥരുടെ നിഗമനം. സ്‌ഫോടനത്തിനു ഉപയോഗിച്ച ഹ്യുണ്ടായി ഐ20ക്ക് പുറമേ രണ്ട് കാറുകള്‍ കൂടി ഉമറും മുസമിലും വാങ്ങിയതായാണ് സൂചന. വാഹനം കണ്ടെത്തുന്നതിനായി കര്‍ശന പരിശോധന ആരംഭിച്ചിട്ടുണ്ട്. അതിര്‍ത്തി ചെക്ക് പോസ്റ്റുകളിലും ജാഗ്രത നിര്‍ദേശമുണ്ട്. ഉത്തര്‍ പ്രദേശ്, ഹരിയാന പൊലീസിനും ജാഗ്രത നിര്‍ദേശം നല്‍കി. 5 പൊലീസ് സംഘങ്ങളാണ് ദില്ലിയില്‍ വാഹനത്തിനായി തെരച്ചില്‍ നടത്തുന്നത്.
https://www.facebook.com/Malayalivartha
