റോയല്‍ എന്‍ഫീല്‍ഡിന്റെ വില്‍പനയില്‍ വന്‍ കുതിപ്പ്. 33 ശതമാനത്തിന്റെ അധിക വളര്‍ച്ചയാണ് ഒക്ടോബര്‍ മാസത്തെ വില്‍പനയില്‍ റോയല്‍ എന്‍ഫീല്‍ഡ് രേഖപ്പെടുത്തിയത്. വാഹന നിര്‍മാതാക്കളുടെ ഉത്സവ സീസണായ കഴിഞ്ഞ മാസം 59,127 യൂണിറ്റ് ബൈക്കുകളാണ് കമ്പനി ആകെ വിറ്റഴിച്ചത്. ദീപാവലിദസറ ആഘോഷങ്ങള്‍ അനുബന്ധിച്ച വില്‍പ്പനയും ഇതില്‍പെടും.
ആഭ്യന്തര വിപണിയില്‍ മാത്രം 32.24 ശതമാനത്തിന്റെ അധിക വില്‍പനയും റോയല്‍ എന്‍ഫീല്‍ഡ് നേടി. 58,369 യൂണിറ്റുകളാണ് ആഭ്യന്തര വിപണിയില്‍ എന്‍ഫീല്‍ഡ് വിറ്റഴിച്ചത്. കയറ്റുമതിയില്‍ 95 ശതമാനം വളര്‍ച്ചയും കമ്പനി കൈപ്പിടിയിലൊതുക്കി. ചെറുപ്പക്കാരുടെ ഹരമായി റോയല്‍ എന്‍ഫീല്‍ഡ് ഓരോ ദിവസവും വളര്‍ന്നു കൊണ്ടിരിക്കുകയാണ്.