കാമുകന്റെ സഹോദരന്‍ അപമാനിക്കാന്‍ ശ്രമിച്ചെന്ന പരാതിയുമായി ഇരുപത്തിരണ്ടു വയസുകാരിയായ സീരിയല്‍ നടി. കന്നഡയിലെ റിയാലിറ്റി ഷോയിലൂടെ ശ്രദ്ധേയയായശേഷം സീരിയല്‍ രംഗത്തെത്തിയ നടിയാണ് കാമുകന്റെ സഹോദരനെതിരേ പരാതിയുമായി രംഗത്തെത്തിയിരിക്കുന്നത്. ബുധനാ!ഴ്ചയായിരുന്നു സംഭവമെന്നും ബാംഗ്ലൂര്‍ മിറര്‍ പത്രം റിപ്പോര്‍ട്ട് ചെയ്യുന്നു.
പെണ്‍കുട്ടിയുടെ കാമുകനും സീരിയല്‍ താരമായിരുന്നു. ഇരുവരും ആറു വര്‍ഷത്തോളം ലിവ് ഇന്‍ ബന്ധത്തിലായിരുന്നു. അടുത്തിടെ അസുഖം മൂലം കാമുകന്‍ മരിച്ചു. അതിനുശേഷമാണ് കാമുകന്റെ സഹോദരന്‍ തന്നെ ശല്യപ്പെടുത്താന്‍ ആരംഭിച്ചതെന്നും വ!ഴങ്ങിയില്ലെങ്കില്‍ സ്വത്തുവകകള്‍ നല്‍കണമെന്നും ഇയാള്‍ ആവശ്യപ്പെട്ടെന്നും യുവതി പരാതിയില്‍ പറയുന്നു.
കാമുകന്റെ സഹോദരന്‍ ബുധനാ!ഴ്ച രണ്ടു കൂട്ടാളികളോടൊപ്പം താന്‍ താമസിക്കുന്ന വീട്ടില്‍ അതിക്രമിച്ചുകയറുകയും തന്നെ അപമാനിക്കാന്‍ ശ്രമിക്കുകയുമായിരുന്നെന്നാണ് യുവതി പരാതി നല്‍കിയിരിക്കുന്നത്. വീട്ടിലെത്തിയ ഇവര്‍ തന്റെ വസ്ത്രങ്ങള്‍ വലിച്ചുകീറിയെന്നും ശരീര ഭാഗങ്ങളില്‍ സ്പര്‍ശിച്ചെന്നും പരാതിയിലുണ്ട്. വീട്ടില്‍നിന്നു സ്‌കോഡ കാറും ഒന്നരലക്ഷം രൂപയും സംഘം എടുത്തുകൊണ്ടുപോയിട്ടുണ്ട്. ഭീഷണിയെത്തുടര്‍ന്ന് അന്നു രാത്രി തന്നെ ആര്‍ആര്‍ നഗറിലെ ബിഇഎംഎല്‍ ഫിഫ്ത്ത് സ്‌റ്റേജിലുള്ള വീട് യുവതി ഒഴിഞ്ഞു.