റെയില്വേ സ്റ്റേഷനുകളില് സൈ്വപ്പിങ് മെഷിന് സംവിധാനം; ഡെബിറ്റ്/ ക്രെഡിറ്റ് കാര്ഡുകള് നല്കി ടിക്കറ്റെടുക്കാം
ക്രെഡിറ്റ്, ഡെബിറ്റ് കാര്ഡുകള്വഴി ടിക്കറ്റെടുക്കാന് സൗകര്യമൊരുക്കി റെയില്വേ സ്റ്റേഷനുകളില് ടിക്കറ്റ് ബുക്കിങ്ങിനായി സൈ്വപ്പിങ് മെഷീന് വരുന്നു. സ്റ്റേറ്റ് ബാങ്ക് ഓഫ് ഇന്ത്യയാണ് ഇതിനാവശ്യമായ സൈ്വപ്പിങ് (പി.ഒ.എസ്.) മെഷീനുകള് ലഭ്യമാക്കുക. പതിനായിരം സ്റ്റേഷനുകളിലാണ് പദ്ധതി നടപ്പാക്കുന്നത്.
കറന്സിരഹിത ഇടപാടുകള് കൂടുതല് ഇടങ്ങളിലേക്ക് വ്യാപിപ്പിക്കാനുള്ള കേന്ദ്ര തീരുമാനത്തിന്റെ ഭാഗമായാണ് റെയില്വേയുടെ നടപടി. സൈ്വപ്പിങ് മെഷീന് വരുമ്ബോള് ടിക്കറ്റ് കൗണ്ടറുകളില്, പ്രത്യേകിച്ച് തത്കാല് സമയങ്ങളില് ടിക്കറ്റ് നല്കാന് സമയമെടുക്കുമെന്ന ആശങ്ക നിലവിലുണ്ട്. ഇത് പരിഹരിക്കാനും റെയില്വേ നടപടി തുടങ്ങിയിട്ടുണ്ട്. സ്റ്റേഷനുകളുടെ മുന്ഗണനാ പട്ടിക പ്രകാരമായിരിക്കും പി.ഒ.എസ്. യന്ത്രം സ്ഥാപിക്കുക. പി.ആര്.എസ്. കൗണ്ടറുകള്, സബര്ബന് പ്രദേശത്തെ സാധാരണ ടിക്കറ്റ് കൗണ്ടറുകള്, പണം സ്വീകരിക്കുന്ന പാര്സല്, ചരക്ക് ഇടപാട് നടത്തുന്ന ഓഫീസ് കൗണ്ടറുകള്, സാധാരണ ടിക്കറ്റ് കൗണ്ടറുകള് എന്നിങ്ങനെയാണ് റെയില്വേ മുന്ഗണനാ പട്ടികയിലുള്ളത്. ഇതനുസരിച്ച് മെഷീന് സ്ഥാപിക്കാനും സോഫ്റ്റ് വെയറില് മാറ്റം വരുത്താനും അതത് സോണല് ഓഫീസുകള്ക്ക് നിര്ദ്ദേശം നല്കി.
നിലവില് പാലക്കാട്, തിരുവനന്തപുരം റെയില്വേ ഡിവിഷനുകളില് മംഗളൂരു ഉള്പ്പെടെ അഞ്ച് സ്റ്റേഷനുകളില് ക്രെഡിറ്റ്, ഡെബിറ്റ് കാര്ഡ് വഴി പണം സ്വീകരിക്കുന്നുണ്ട്. തിരുവനന്തപുരം, എറണാകുളം, കോഴിക്കോട്, കണ്ണൂര് എന്നിവയാണ് ഈ സൗകര്യമുള്ള മറ്റു സ്റ്റേഷനുകള്.
https://www.facebook.com/Malayalivartha
