പാര്‍ലമെന്റില്‍ പ്രതിഷേധിക്കുന്ന എം.പിമാര്‍ക്കെതിരെ ജഗദ്ഗുരു ശങ്കരാചാര്യ സ്വാമി നരേന്ദ്രാനന്ദ് സരസ്വതി. പാര്‍ലമെന്റ് നടപടികള്‍ തടസപ്പെടുത്തുന്ന എം.പിമാരുടെ ശന്പളം നല്‍കരുതെന്ന് അദ്ദേഹം ആവശ്യപ്പെട്ടു.
ഇത്തരം എം.പിമാര്‍ക്കെതിരെ നടപടി എടുക്കുന്നതില്‍ എന്താണ് തടസമെന്ന് മനസിലാകുന്നില്ല. അവരെ പുറത്താക്കാന്‍ എന്ത് കൊണ്ട് മാര്‍ഷലുകളെ ഉപയോഗിക്കുന്നില്ലെന്നും സരസ്വതി ചോദിച്ചു.

പാര്‍ലമെന്റ് നടപടികള്‍ തടസപ്പെടുത്തുന്ന എം.പിമാരുടെ ശന്പളവും മറ്റ് അലവന്‍സുകളും നല്‍കരുതെന്നും സരസ്വതി പറഞ്ഞു. താനെയിലെ മനോരമ നഗറില്‍ സിദ്ധേശ്വര്‍ ക്ഷേത്രത്തില്‍ നടന്ന ഒരു ചടങ്ങില്‍ സംസാരിക്കുകയായിരുന്നു അദ്ദേഹം. നോട്ട് നിരോധിക്കാനുള്ള തീരുമാനത്തെ പരസ്യമായി അനുകൂലിച്ച സ്വാമിയാണ് ശങ്കരാചാര്യ സ്വാമി നരേന്ദ്രാനന്ദ് സരസ്വതി.