നോട്ട് ദുരിതം അനുഭവിച്ചവര്ക്ക് ലഡുവുമായി ബി.ജെ.പി
കറന്സി പരിഷ്കരണത്തില് കേന്ദ്രസര്ക്കാരിനെതിരായുള്ള ജനരോഷം തണുപ്പിക്കാന് ലഡു വിതരണവുമായി ഡല്ഹിയിലെ ബി.ജെ.പി പ്രവര്ത്തകര്. ജനുവരി ഒന്നു മുതല് വീടുകള് തോറും കയറിയിറങ്ങി ഒരു കുടുംബത്തിന് ഒരു ലഡു വീതം നല്കാനാണ് ഡല്ഹി ബി.ജെ.പി നേതൃത്വത്തിന്റെ തീരുമാനം.
കഴിഞ്ഞ ദിവസം ഡല്ഹിയില് എ ടി എമ്മിന് മുന്നില് ക്യൂ നിന്നവര്ക്ക് ബി.ജെ.പി പ്രവര്ത്തകര് ലഡു വിതരണം ചെയ്തു. അതിനിടെ ബി.ജെ.പിയുടെ ലഡു വിതരണത്തെ സോഷ്യല് മീഡിയയില് പരിഹസിച്ച് ചിലര് രംഗത്തെത്തി.
മുറിവില് ഉപ്പുതേക്കുന്നതിന് തുല്യമാണ് ബി.ജെ.പിയുടെ ലഡു വിതരണം, എ ടി എമ്മുകള്ക്ക് മുമ്പിലെ വരിയില് നിന്നും മരിക്കുന്നതിന് മുമ്പ് ഇതെങ്കിലും കഴിച്ച് മരിക്കൂ എന്നാണ് ബി.ജെ.പി പറയാതെ പറയുന്നത്...എന്നിങ്ങനെ പോകുന്നു വിമര്ശനങ്ങള്.
അടുത്ത് നടക്കാനിരിക്കുന്ന ഡല്ഹി തദ്ദേശ സ്വയംഭരണ തെരഞ്ഞെടുപ്പില് കറന്സി പരിഷ്കരണം തിരിച്ചടിയായേക്കുമെന്നത് മുന്നില് കണ്ടാണ് ലഡു വിതരണം നടത്തി ജനങ്ങളെ കയ്യിലെടുക്കാന് ബി ജെ പി ശ്രമിക്കുന്നത്. അതേസമയം ജനങ്ങളെ ഇത്രയും ദുരിതത്തിലാക്കിയിട്ട് ഒരു ലഡു നല്കിയാല് എല്ലാ മറക്കുമോയെന്നും ചിലര് ചോദിക്കുന്നു.
https://www.facebook.com/Malayalivartha
