വാഹനാപകടത്തില് പരിക്കേറ്റ യുവതിക്ക് സഹായമായത് സോഷ്യല് മീഡിയ
വാഹനപകടത്തില് കാലുകള്ക്ക് ഗുരുതരമായി പരിക്കേറ്റ യുവതിക്ക് സഹായമായത് സോഷ്യല് മീഡിയയുടെ ഇടപെടല്. കഴിഞ്ഞയാഴ്ച ഭര്ത്താവിനൊപ്പം റോഡ് മുറിച്ചു കടക്കുന്നതിനിടെയാണ് ഷഹ്ഹ്നാര എന്ന യുവതിയുടെ കാല് പാദത്തിലൂടെ കെആര് മംഗളം യൂണിവേഴ്സിറ്റിയുടെ ബസ്സ് കയറിയിറങ്ങിയത്. അപകടം നടന്നിട്ടും ബസ്സ് നിര്ത്താതെ പോയി. കാല് ചതഞ്ഞരഞ്ഞ നിലയില് യുവതിയെ ആശുപത്രിയിലെത്തിക്കുന്പോള് രണ്ട് ശസ്ത്രക്രിയകള് ഉടന് വേണമെന്ന് ഡോക്ടര്മാര് അറിയിച്ചു. യൂണിവേഴ്സിറ്റിയുമായി ബന്ധപ്പെട്ടപ്പോള് 75000 രൂപ നല്കി യുവതിയുടെ ഭര്ത്താവിനെ മടക്കി അയച്ചു. സംഭവം സോഷ്യല് മീഡിയ ഏറ്റെടുത്തതോടെ യുവതിയുടെ ചികിത്സയ്ക്കായി പണം സമാഹരിച്ചു തുടങ്ങി.
ഒരാഴ്ചയ്ക്കുള്ളില് ആവശ്യമായ മുഴുവന് പണവും യുവതിയുടെ കുടുംബത്തിന് കൈമാറി. ശസ്ത്രക്രിയകള്ക്കു ശേഷം രണ്ടാഴ്ചയ്ക്കുള്ളില് യുവതി പഴയ നിലയിലാകുമെന്ന് ആശുപത്രി അറിയിച്ചു. കെആര് മംഗളം യൂണവേഴ്സിറ്റിയുടെ നിലപാടിനും സമീപനത്തിനുമെതിരെ പ്രതിഷേധം ശക്തമാണ്. സംഭവത്തില് പോലീസ് കേസെടുത്തു.
https://www.facebook.com/Malayalivartha
