നോട്ട് അസാധുവാക്കല്‍ വിഷയത്തില്‍ പ്രധാനമന്ത്രി സഭയില്‍ വിശദീകരിക്കണമെന്ന് ആവശ്യപ്പെട്ട് ഇന്നും പാര്‍ലമെന്റില്‍ പ്രതിപക്ഷബഹളം. ബഹളത്തെത്തുടര്‍ന്ന് ലോക്‌സഭ 12 വരെ നിര്‍ത്തിവെച്ചു. രാവിലെ സഭ ആരംഭിച്ചപ്പോള്‍ തന്നെ പ്രതിപക്ഷം ബഹളം ആരംഭിക്കുകയായിരുന്നു. പ്രതിപക്ഷ ബഹളത്തെത്തുടര്‍ന്ന് രാജ്യസഭ അനിശ്ചിതകാലത്തേയ്ക്ക് പിരിഞ്ഞു. സഭാ നടപടികള്‍ തുടര്‍ച്ചയായി തടസ്സപ്പെടുന്നതില്‍ സഭാധ്യക്ഷനായ ഉപരാഷ്ട്രപതി അതൃപ്തി പ്രകടിപ്പിച്ചു.

നവംബര്‍ 16നാണ് പാര്‍ലമെന്റിന്റെ ശീതകാല സമ്മേളനം ആരംഭിച്ചത്. ആരംഭം മുതല്‍ കേന്ദ്രസര്‍ക്കാര്‍ നടപ്പാക്കിയ നോട്ട് നിരോധനവുമായി ബന്ധപ്പെട്ട് അഴിമതികളെ തുടര്‍ന്ന് നിത്യവും സഭാനടപടികള്‍ തടസ്സപ്പെട്ടിരുന്നു.