പെട്രോള്‍ ഡീസല്‍ വില കൂടി. പെട്രോളിന് രണ്ട് രൂപ 21 പൈസയും ഡീസലിന് ഒരു രൂപ 79 പൈസയുമാണ് കൂടിയത്. ഇന്ന് അര്‍ധരാത്രി മുതല്‍ കൂടിയ വില നിലവില്‍ വരും. വിലവര്‍ധിപ്പിച്ചതോടെ കേരളത്തില്‍ പെട്രോള്‍ ലിറ്ററിന് 70 രൂപ കവിയും. കഴിഞ്ഞ മാസം 30ന് വിലയില്‍ നേരിയ വര്‍ധവുണ്ടായിരുന്നു.

ആഗോള വിപണിയില്‍ ക്രൂഡ് ഓയിലിന് വില വര്‍ധിച്ചത് മൂലമാണ് ഇന്ധനവില വര്‍ധിച്ചത്. എണ്ണ വിലയിടിവ് തടയാന്‍ പ്രതിദിനം 12 ലക്ഷം ബാരലിന്റെ ഉത്പാദനം കുറയ്ക്കാന്‍ ഒന്നരയാഴ്ച മുമ്ബ് വിയന്നയില്‍ ചേര്‍ന്ന എണ്ണ ഉത്പാദക രാജ്യങ്ങളുടെ കൂട്ടായ്മയായ ഒപെക് തീരുമാനം എടുത്തിരുന്നു. അതിനെ തുടര്‍ന്നാണ് ക്രൂഡ് ഓയില്‍ വിലയില്‍ വര്‍ധനവുണ്ടായത്.