ത്രിപുര നിയമസഭയില് സ്പീക്കറുടെ അധികാരചിഹ്നമായ ദണ്ഡ് കവര്ന്നെടുത്ത് ഓടിയ എംഎല്എയ്ക്ക് പിന്നാലെ കൂട്ടയോട്ടം
ത്രിപുര നിയമസഭയില് നഴ്സറി സ്കൂളിനെ അനുസ്മരിപ്പിക്കുന്ന സംഭവങ്ങള് അരങ്ങേറി. സ്പീക്കറുടെ അധികാര ചിഹ്നമായ വെള്ളനിറത്തിലുള്ള ദണ്ഡ് നിയമസഭാനടപടി ക്രമങ്ങള് തടയുന്നതിനായി ത്രിണമൂല് കോണ്ഗ്രസ് എം എല് എ സുദീപ് റോയ് ബര്മനാണ് അടിച്ചു മാറ്റിയത്.
സിപിഎം മന്ത്രിക്കെതിരെയുള്ള സ്ത്രീ പീഡന ആരോപണം ഉന്നയിച്ച് കോണ്ഗ്രസ് ത്രിണമൂല് എംഎല്എമാര് നടുത്തളത്തില് ഇറങ്ങിയപ്പോഴാണ് സംഭവം. സ്പീക്കറുടെ കയ്യില് നിന്ന് ദണ്ഡ് തട്ടിയെടുത്ത ബര്മന് പിന്നാലെ വാച്ച് ആന്ഡ് വാര്ഡ് ജീവനക്കാര് ഓടി. അവരെയെല്ലാം വെട്ടിച്ച് നിയമസഭയ്ക്ക് പുറത്തേക്ക് അദ്ദേഹം ഓടിരക്ഷപ്പെട്ടു. പിന്നീട് ദണ്ഡുമായി അരമണിക്കൂറിന് ശേഷം ജീവനക്കാര് മടങ്ങിയെത്തുകയായിരുന്നു.
നിയമസഭയുടെ പാരമ്പര്യത്തിനും നടപടിക്രമങ്ങള്ക്കും വിരുദ്ധമായാണ് ബര്മന് പ്രവര്ത്തിച്ചതെന്ന് സ്പീക്കര് പ്രതികരിച്ചു. ത്രിപുര നിയമസഭയില് ഇതിനു മുന്പ് മൂന്നു തവണ സമാന സംഭവം അരങ്ങേറിയിട്ടുണ്ട്.
https://www.facebook.com/Malayalivartha
