ഗ്യാസില് പണി വരുന്നു..മോദി സര്ക്കാരിന്റെ അടുത്ത സര്ജിക്കല് സ്െ്രെടക്ക് പാചകവാതക വിതരണത്തില്
ഗ്യാസും കിട്ടാക്കനിയാകും. ആദായ നികുതി വകുപ്പില് നിന്നുള്ള കണക്കുകള് പരിശോധിച്ച് പാചകവാതക സബ്സിഡിയില്നിന്ന് സാമ്പത്തികമായി ഉയര്ന്ന നിലയിലുള്ളവരെ ഒഴിവാക്കാനാണു സര്ക്കാര് ആലോചിക്കുന്നത്.
വാര്ഷിക വരുമാനം 10 ലക്ഷത്തിന് മുകളിലുള്ള നികുതി ദായകരായ ഉപഭോക്താക്കളെ സബ്സിഡിയില്നിന്ന് ഒഴിവാക്കുമെന്നാണു സൂചന. 10 ലക്ഷത്തില് കൂടുതല് വാര്ഷിക വരുമാനമുള്ള ഉപഭോക്താക്കള്ക്ക് പാചകവാതക സബ്സിഡി ഒഴിവാക്കിക്കൊണ്ട് പെട്രോളിയം മന്ത്രാലയം കഴിഞ്ഞ ഡിസംബറില് തീരുമാനമെടുത്തിരുന്നു. ജനുവരി മുതല് ഇത് നടപ്പാക്കുകയും ചെയ്തിരുന്നു. എന്നാല്, വരുമാനം വ്യക്തമാക്കിക്കൊണ്ട് ഉപഭോക്താവ് നല്കുന്ന സത്യവാങ്മൂലത്തിന്റെ അടിസ്ഥാനത്തിലായിരുന്നു ഇത്.
ഉപഭോക്താക്കളുടെ വരുമാനം സംബന്ധിച്ച വിവരങ്ങള് പരിശോധിച്ച് ഉയര്ന്ന വരുമാനമുള്ളവരെ സബ്സിഡിയില്നിന്ന് ഒഴിവാക്കാന് സര്ക്കാര് ഉടമസ്ഥതയിലുള്ള പാചകവാതക കമ്പനികള്ക്ക് അനുവാദം നല്കാനാണ് പുതിയ തീരുമാനത്തിലൂടെ സര്ക്കാര് ഉദ്ദേശിക്കുന്നത്. ഉപഭോക്താക്കളുടെ വരുമാനം സംബന്ധിച്ച് സര്ക്കാര് നല്കുന്ന വിവരങ്ങളുടെ അടിസ്ഥാനത്തിലാണ് ഇത് നടപ്പാക്കുക. അങ്ങനെയുള്ള ഉപഭോക്താക്കള് മുഴുവന് പണവും നല്കി സിലിന്ഡര് വാങ്ങേണ്ടിവരും.
സാമ്പത്തികമായി താഴ്ന്ന നിലയിലുള്ള പാചകവാതക ഉപഭോക്താക്കള്ക്ക് കുറഞ്ഞ നിരക്കില് സിലിണ്ടറുകള് ലഭിക്കുന്നതിനാണ് ഈ വ്യവസ്ഥ കൊണ്ടുവരുന്നത്. ഉയര്ന്ന വരുമാനമുള്ളവര് സ്വമേധയാ സബ്സിഡിയില്നിന്ന് ഒഴിവാകണമെന്ന് കേന്ദ്രസര്ക്കാര് ആവശ്യപ്പെട്ടിരുന്നു. ഇതു പ്രകാരം 1.05 കോടി ഉപഭോക്താക്കള് സബ്സിഡി വേണ്ടെന്നുവച്ചിരുന്നു.
https://www.facebook.com/Malayalivartha
