രാജ്യത്ത് ശമ്പളത്തിന് ഡിജിറ്റല് സംവിധാനമൊരുക്കാന് കേന്ദ്ര അനുമതി
22 DECEMBER 2016 06:52 AM IST
മലയാളി വാര്ത്ത
ബിസിനസ് സ്ഥാപനങ്ങളില് 18,000 രൂപ വരെ വേതനമുള്ള ജീവനക്കാര്ക്കു ശമ്പളം ചെക്കായോ ബാങ്ക് അക്കൗണ്ടിലേക്കു ഡിജിറ്റലായോ കൈമാറാന് അനുമതി നല്കി ഓര്ഡിനന്സ് പുറപ്പെടുവിക്കാന് കേന്ദ്ര മന്ത്രിസഭ തീരുമാനിച്ചു.
നോട്ടായി വേതനം വിതരണം ചെയ്യുന്ന നിലവിലുള്ള രീതിക്കു പുറമേയാണു ചെക്ക്, ഡിജിറ്റല് മാര്ഗങ്ങളും അനുവദിക്കുന്നത്. ജീവനക്കാരുടെ രേഖാമൂലമുള്ള അനുമതിയോടെ വേതനം ചെക്കായും അക്കൗണ്ടിലേക്കും നല്കാന് നിലവില് വ്യവസ്ഥയുണ്ട്. എന്നാല്, ഓര്ഡിനന്സ് പുറപ്പെടുവിക്കുന്നതോടെ, ജീവനക്കാരുടെ അനുമതി നിബന്ധനയല്ലാതായി. കേരളം, ആന്ധ്രാപ്രദേശ്, ഉത്തരാഖണ്ഡ്, പഞ്ചാബ്, ഹരിയാന എന്നീ സംസ്ഥാനങ്ങളില് വേതന വിതരണത്തിനു ചെക്ക്, ഡിജിറ്റല് രീതികള്ക്ക് അനുമതി നല്കി നേരത്തേ നിയമം കൊണ്ടുവന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
