രാജ്യമെമ്പാടുമുള്ള സഹകരണ ബാങ്കുകളില് പരിശോധന: നോട്ട് നിരോധനത്തിനുശേഷം രൂപീകരിച്ച പുതിയ അക്കൗണ്ടുകളുടെ വിവരങ്ങള് കര്ശനമായി പരിശോധിക്കും
കേരളത്തില് ഉള്പ്പെടെയുള്ള സഹകരണ ബാങ്കുകളില് നോട്ട് നിരോധനത്തിനുശേഷം നടന്ന ഇടപാടുകളെക്കുറിച്ചു സാമ്പത്തിക കുറ്റകൃത്യങ്ങള് അന്വേഷിക്കുന്ന എന്ഫോഴ്സ്മെന്റ് ഡയറക്ടറേറ്റ് (ഇഡി) പരിശോധന നടത്തുന്നു. കേരളം, ഗുജറാത്ത്, മഹാരാഷ്ട്ര, തമിഴ്നാട് എന്നിവിടങ്ങളില്നിന്നുള്ള സഹകരണ ബാങ്കുകളും എന്ഫോഴ്സ്മെന്റ് വകുപ്പിന്റെ അന്വേഷണ പരിധിയില് വരും.
മഹാരാഷ്ട്രയിലെ മുംബൈ വിഥല് കോ-ഓപ്പറേറ്റീവ് ബാങ്കിലെ വിവാദമായ 1,400 കോടി രൂപയുടെ നിക്ഷേപമാണ് ഇഡിയുടെ പട്ടികയിലുള്ള പ്രധാന കേസ്. റിസര്വ് ബാങ്കിനു മുംബൈ സഹകരണ ബാങ്ക് നല്കിയ റിപ്പോര്ട്ടില് 900 കോടി രൂപ സ്വീകരിച്ചതായി മാത്രമേ വ്യക്തമാക്കിയിട്ടുള്ളൂ. എന്നാല്, പിന്നീട് നടത്തിയ അന്വേഷണത്തില് 500 കോടി രൂപ മറച്ചു വയ്ക്കുകയായിരുന്നുവെന്നു വ്യക്തമായി. ഇതോടെയാണ് ഈ കേസ് റിസര്വ് ബാങ്ക് എന്ഫോഴ്സ്മെന്റിനു വിട്ടത്. ഇതേത്തുടര്ന്ന് മുംബൈ സഹകരണ ബാങ്കിനോട് ഇതുവരെ നടന്ന മുഴുവന് സാമ്പത്തിക ഇടപാടുകളുടെയും വിവരങ്ങള് തേടിയിട്ടുണ്ട്. ഇതിനു പുറമെയാണ് സംശയം തോന്നിയ മുന്നൂറിലധികം സഹകരണബാങ്കുകളുടെ ഇടപാടുകള്കൂടി ഏജന്സികള് അന്വേഷിക്കുന്നത്.
നിക്ഷേപം, കൈമാറ്റം, ബാങ്കുകള് തമ്മിലുള്ള പണമിടപാട്, കഴിഞ്ഞമാസം എട്ടിനു നോട്ട് നിരോധിച്ചതിനുശേഷം രൂപീകരിച്ച പുതിയ അക്കൗണ്ടുകളുടെ വിവരങ്ങള് എന്നിവയാവും പ്രധാനമായും എന്ഫോഴ്സ്മെന്റ് പരിശോധിക്കുക.
സഹകരണ ബാങ്കുകള്ക്കെതിരായ അന്വേഷണത്തെ സഹായിക്കാന് രാജ്യത്തെ മുന്നിര കുറ്റാന്വേഷണ ഏജന്സിയായ സിബിഐക്കും ആദായ നികുതി വകുപ്പിനും കേന്ദ്ര ആഭ്യന്തര മന്ത്രാലയം നിര്ദേശം നല്കിയിട്ടുണ്ട്. സിബിഐ, ഇഡി, ആദായനികുതി വകുപ്പ് എന്നിവ തങ്ങളുടെ ചുമതലകള് തരംതിരിച്ചാവും അന്വേഷിക്കുക. എല്ലാ സംസ്ഥാന സഹകരണ ബാങ്കുകളുടെയും ഇടപാടുകളാവും ആദായനികുതി വകുപ്പ് അന്വേഷിക്കുക. അര്ബന് സഹകരണ ബാങ്കുകളെക്കുറിച്ച് സിബിഐയും ജില്ലാ സഹകരണബാങ്കുകളെക്കുറിച്ച് എന്ഫോഴ്സ്മെന്റ്ും അന്വേഷിക്കും. നവംബര് എട്ടിനു ശേഷമുള്ള ഇടപാടുകളെക്കുറിച്ച് അറിയാന് ബാങ്കുകളിലെ സിസിടിവി ദൃശ്യങ്ങളും അന്വേഷണ ഏജന്സികള് ആവശ്യപ്പെട്ടും.
കേരളത്തില് തൃശൂരും കൊല്ല ത്തും ജില്ലാ സഹകരണ ബാങ്കുക ളില് എന്ഫോഴ്സ്മെന്റ് ഡയറ ക്ടറേറ്റ് ഇന്നലെ പരിശോധന നടത്തി. കൊല്ലം ജില്ലാ സഹകരണ ബാങ്കിന്റെ ചിന്നക്കടയിലെ ആസ്ഥാനത്തും തൃശൂര് ജില്ലാ ബാങ്കിന്റെ ഹെഡ് ഓഫീസിലുമാണു പരിശോ ധന നടത്തിയത്. നോട്ട് നിരോധിച്ചശേഷം സ്വീകരിച്ച നിക്ഷേപത്തിന്റെ കണക്കുകള്, കെവൈസി പാലിച്ചാണോ നടപടികള് സ്വീകരിക്കുന്നത് തുടങ്ങിയ കാര്യങ്ങള് സംബന്ധിച്ച് ഉദ്യോഗസ്ഥര് ബാങ്ക് അധികൃതരോടു ചോദിച്ചറിഞ്ഞു. കൊല്ലത്ത് രാവിലെ 11നു തുടങ്ങിയ പരിശോധന രാത്രി എട്ടുവരെ നീണ്ടു.
https://www.facebook.com/Malayalivartha
