സ്വന്തമായി പാര്ക്കിംഗ് സൗകര്യമുണ്ടോ? പാര്ക്കിംഗ് സ്ഥലമില്ലെങ്കില് വാഹനം രജിസ്റ്റര് ചെയ്യാനാകില്ല
സ്വന്തമായി പാര്ക്കിംഗ് സൗകര്യമുണ്ടെന്ന് തെളിയിക്കുന്ന സര്ട്ടിഫിക്കറ്റുള്ളവര്ക്ക് മാത്രമായിരിക്കും ഭാവിയില് വാഹനങ്ങള് രജിസ്റ്റര് ചെയ്ത് കൊടുക്കുകയുള്ളൂവെന്ന് കേന്ദ്ര നഗരവികസന വകുപ്പ് മന്ത്രി വെങ്കയ്യ നായിഡു. ഇക്കാര്യം കേന്ദ്ര ഗതാഗത വകുപ്പ് മന്ത്രി നിതിന് ഗഡ്കരിയുമായി സംസാരിച്ചിട്ടുണ്ടെന്നും അദ്ദേഹം പറഞ്ഞു. ന്യൂഡല്ഹിയില് ശൗചാലയ ആപ്പിന്റെ ഉദ്ഘാടന ചടങ്ങിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഷിംല മുനിസിപ്പാലിറ്റിയില് വാഹന രജിസ്ട്രേഷന് പാര്ക്കിംഗ് സര്ട്ടിഫിക്കറ്റ് നിര്ബന്ധമാക്കാന് ഹിമാചല് പ്രദേശ് ഹൈക്കോടതി 2015 ല് സംസ്ഥാന സര്ക്കാരിനോട് ആവശ്യപ്പെട്ടിരുന്നു. ഇത് രാജ്യത്തുടനീളമുള്ള വാഹനങ്ങളുടെ രജിസ്ട്രേഷന് നിര്ബന്ധമാക്കാനാണ് കേന്ദ്രസര്ക്കാര് ആലോചിക്കുന്നത്. നിയമം നിലവില് വരുന്നതോടെ പ്രധാനമായും നഗരപ്രദേശങ്ങളിലെ ഫല്റ്റുകള്ക്കും, കെട്ടിടങ്ങള്ക്കുമെല്ലാം കീഴെ റോഡ് സൈഡില് വാഹനം നിര്ത്തിയിട്ട് ഗതാഗത കുരുക്കുണ്ടാക്കുന്നത് പൂര്ണമായും തടയാനാവുമെന്നാണ് അധികൃതര് കരുതുന്നത്.
വാഹന സുരക്ഷ കര്ശനമാക്കുന്നതിന് കേന്ദ്ര മോട്ടോര് വാഹന നിയമ ഭേദഗതി ബില്ലും കഴിഞ്ഞ ആഗസ്തില് സര്ക്കാര് പാര്ലമെന്റില് അവതരിപ്പിച്ചിരുന്നു. എന്നാല് ഇത് ഇതുവരെ പാസാക്കാനായില്ല.
https://www.facebook.com/Malayalivartha
