മഹാരാഷ്ട്രയിലെ ഗാഡ്ച്ചിരോലിയില്‍ നക്‌സലുകള്‍ 75 ട്രക്കുകള്‍ തീവച്ചു നശിപ്പിച്ചു. വെള്ളിയാഴ്ച ഗാഡ്ച്ചിരോലിയിലെ സുരാജ്ഗട്ടിലായിരുന്നു സംഭവമുണ്ടായത്. പ്രദേശത്തെ ഖനന കമ്പനിയിലേക്ക് പ്രതിഷേധവുമായെത്തിയ നക്‌സുകള്‍ മൂന്നു മണ്ണുമാന്തി യന്ത്രങ്ങളും അഗ്‌നിക്കിരയാക്കി. അഞ്ചൂറോളം പേരാണ് പ്രതിഷേധത്തില്‍ പങ്കെടുത്തത്. മൂന്നു മണിക്കൂറോളം ഖനന കമ്പനിയിലെ ജീവനക്കാരെ പ്രതിഷേധക്കാര്‍ ബന്ധികളാക്കി. സംഭവത്തില്‍ ഇതുവരെ ആരെയും പോലീസ് അറസ്റ്റ് ചെയ്തിട്ടില്ല.