ഉത്തര്‍പ്രദേശിലെ കാന്‍പൂരില്‍ അജ്മീര്‍ - സിയാല്‍ഡ എക്‌സ്പ്രസ് ട്രെയിനിന്റെ 14 ബോഗികള്‍ പാളംതെറ്റി. രണ്ടു പേര്‍ മരിച്ചു. ഗാര്‍ഡ് ഉള്‍പ്പെടെ 28 പേര്‍ക്കു പരുക്കേറ്റു. ഇന്ന് രാവിലെയായിരുന്നു പ്രദേശത്തെ നടുക്കിയ അപകടം. റുറാ പ്രദേശത്തു കൂടി കടന്നു പോകുന്നതിനിടെയായിരുന്നു ട്രെയിന്‍ പാളം തെറ്റിയത്. . കാന്‍പൂരില്‍നിന്ന് 50 കിലോമീറ്റര്‍ അകലെ റൂറ - മേത്ത മേഖലയ്ക്കിടയിലാണ് സംഭവം. 
രക്ഷാപ്രവര്‍ത്തനം പുരോഗമിക്കുന്നു. ഇറ്റാവയില്‍നിന്നും കാന്‍പൂരില്‍നിന്നും കൂടുതല്‍ രക്ഷാപ്രവര്‍ത്തകര്‍ സ്ഥലത്തെത്തിയിട്ടുണ്ട്. കാന്‍പൂര്‍ റൂട്ടിലെ ട്രെയിന്‍ ഗതാഗതം തടസ്സപ്പെട്ടു. പാളം തെറ്റലിന്റെ കാരണം വ്യക്തമായിട്ടില്ല. മുതിര്‍ന്ന ഉദ്യോഗസ്ഥര്‍ സ്ഥലത്തെത്തി രക്ഷാപ്രവര്‍ത്തനത്തിനു നേതൃത്വം നല്‍കണമെന്ന് റെയില്‍വേ മന്ത്രി സുരേഷ് പ്രഭു നിര്‍ദേശിച്ചു.