മോഡിയെ വിമര്ശിച്ചാല് സാമൂഹ്യസൈറ്റില് ട്രോളി കൊല്ലും; അമീര്ഖാന് ഇര, മോഹന് ലാലിന് നേരത്തെ കാര്യം മനസ്സിലായി
പ്രമുഖ ബോളിവുഡ് താരവും ഇന്ത്യയില് ഉടനീളം ആരാധകരുള്ളയാളുമായ അമീര്ഖാനെ ബിജെപി ലക്ഷ്യം വെച്ചിരുന്നതായി വെളിപ്പെടുത്തല്. അസഹിഷ്ണുതാ വിവാദവുമായി ബന്ധപ്പെട്ട അഭിപ്രായ പ്രകടനത്തിന് പിന്നാലെ അമീര്ഖാനെതിരേ സൈബര് ആക്രമണം ശക്തമാക്കാന് ഒരു ഏകോപനം ബിജെപി നേതൃത്വം നടത്തിയതായും ഇതിനായി സാമൂഹ്യമാധ്യമ വോളണ്ടിയര്മാരെ വെച്ചിരുന്നതായും ഒരു പുസ്തകത്തിലാണ് വെളിപ്പെടുത്തിയിരിക്കുന്നത്.
2015 വരെ ബിജെപി സോഷ്യല്മീഡിയ സെല്ലില് അംഗമായിരുന്ന സാധവി ഖോസ്ലെയെ ഉദ്ധരിച്ച് മുതിര്ന്ന മാധ്യമപ്രവര്ത്തക സ്വാതി ചതുര്വേദി എഴുതിയ 'ഐ ആം ട്രോള്' എന്ന പുസ്തകത്തിലാണ് വെളിപ്പെടുത്തല്. ബിജെപിയുടെ സാമൂഹ്യമാധ്യമ വോളണ്ടിയര്മാരുടെ പണി തന്നെ മോഡി വിരുദ്ധരെ ട്രോളി ഇല്ലാതാക്കുക എന്നതായിരുന്നെന്ന് പുസ്തകം പറയുന്നു.'മോഡിയെ വിമര്ശിക്കുന്ന പ്രമുഖരെ ആസൂത്രിതമായി ട്രോള് ചെയ്യുക എന്ന ഉദ്ദേശത്തിന് കീഴിലാണ് അമീര്ഖാനും പണി കിട്ടിയത്. എന്നാല് ഇക്കാര്യങ്ങള് മനസ്സിലാക്കിയ മോഹന് ലാല് ഉള്പ്പെടെയുള്ള പ്രശസ്തര്ക്ക് നല്ല കാലമാണിപ്പോഴും. നോട്ടു പരിഷ്ക്കരണം ഉള്പ്പെടെയുള്ള വിഷയങ്ങളില് കൈ അയച്ചു സഹായിച്ച ഇവര് അവരുടെ മേഖലയില് പരിക്കേല്ക്കാതെ തുടരുകയും ചെയ്യുന്നു. ദേശീയ ഗാന വിവാദത്തിലും ബ്ലോഗ് ഉള്പ്പെടെ എഴുതി ആരാധനാ പത്രമാവുക വഴി നിലനില്പിനുള്ള പോരാട്ടം തുടരുകയാണെന്നും കലാ സാഹിത്യ രംഗങ്ങളിലുള്ളവര് പലരും എന്നത് ട്രോളന്മാരുടെ ശക്തിയെ കാണിക്കുന്നുണ്ട്
അമീര് ഉള്പ്പെടെ മോഡിയെ വിമര്ശിക്കുന്നവരെ ട്രോളി ഒതുക്കാന് തങ്ങള്ക്ക് സമ്മര്ദ്ദം ഉണ്ടായിരുന്നതായി ഖോസ്ലേയുടെ വെളിപ്പെടുത്തലിനെ കുറിച്ച് പുസ്തകത്തില് പറഞ്ഞിട്ടുണ്ട്. അമീറിനെ സ്നാപ്ഡീലിന്റെ ബ്രാന്ഡ് അംബാസഡര് സ്ഥാനത്തു നിന്നും നീക്കിയതും ഇതിന്റെ ഭാഗമായിരുന്നു. ഇതിനായി സാമൂഹ്യമാധ്യമങ്ങളിലൂടെ പരാതി ശേഖരിച്ച് സ്നാപ്ഡീലിന് സമര്പ്പിക്കാന് ബിജെപി സാമൂഹ്യമാധ്യമ മുന് തലവന് അരവിന്ദ് ഗുപ്ത അയച്ച വാട്സാപ്പ് സന്ദേശവും ഖോസ്ല തെളിവായി നല്കിയിട്ടുണ്ട്. സ്നാപ് ഡീലില് നിന്നും മാറ്റിയ അമീറിനെ 'ഇന്ക്രെഡിബിള് ഇന്ത്യ' പരസ്യത്തില് നിന്നും ഒഴിവാക്കിയതും ഈ ഗൂഡാലോചനയുടെ ഭാഗമായിരുന്നത്രേ. ട്രോളില് ലക്ഷ്യമിടാന് നല്കിയ പേരുകളില് അമീര്ഖാന് പുറമേ കോണ്ഗ്രസ് ഉപാദ്ധ്യക്ഷന് രാഹുല്ഗാന്ധിയും ഏതാനും മാധ്യമപ്രവര്ത്തകരും ഉണ്ട്. അതേസമയം ആരോപണം ബിജെപി നിഷേധിച്ചിട്ടുണ്ട്.
https://www.facebook.com/Malayalivartha
