തിരുവനന്തപുരത്തുനിന്നുള്ള കേരള എക്‌സ്പ്രസ് റദ്ദാക്കി. ഞായറാഴ്ച രാവിലെ 11.15 ന് പുറപ്പെടേണ്ടിയിരുന്ന തിരുവനന്തപുരംന്യൂഡല്‍ഹി കേരള എക്‌സ്പ്രസാണ് റദ്ദാക്കിയത്. തെലുങ്കാനയില്‍ ചരക്കുവണ്ടി പാളം തെറ്റിയതിനെ തുടര്‍ന്നാണ് നടപടി. ഇതോടൊപ്പം തിരുവനന്തപുരംഗൊരഖ്പൂര്‍ രപ്തിസാഗര്‍ എക്‌സ്പ്രസിന്റെ സമയക്രമത്തില്‍ മാറ്റം വരുത്തി. ഞായറാഴ്ച രാവിലെ 6.15 ന് പുറപ്പെടേണ്ടിയിരുന്ന ട്രെയിന്‍ തിങ്കളാഴ്ച രാവിലെ 5.30 നായിരിക്കും പുറപ്പെടുക. ഞായറാഴ്ച ഉച്ചയ്ക്ക് 12 ന് പുറപ്പെടേണ്ടിയിരുന്ന കൊച്ചുവേളിഗുവഹാത്തി സ്‌പെഷ്യല്‍ ട്രയിന്‍ തിങ്കളാഴ്ച ഉച്ചയ്ക്ക് 12ന് മാത്രമേ പുറപ്പെടൂ.