വിവാഹിതയായ സഹോദരിയെ ശല്യം ചെയ്ത യുവാവിന്റെ കൈ സഹോദരന്മാര് വെട്ടിമാറ്റി
സഹോദരിയെ നിരന്തരം ശല്യം ചെയ്ത യുവാവിനോട് സഹോദരന്മാര് കൈ വെട്ടിമാറ്റി. സ്ത്രീകളെ ശല്യം ചെയ്യുന്നവര്ക്കെല്ലാം ഒരു മുന്നറിയിപ്പാണ് കഴിഞ്ഞ ദിവസം ഗോരഖ്പൂരില് നടന്നത്. ഗോരഖ്പൂരിലെ സിന്ധുലി ബിന്ധുലി ഗ്രാമത്തിലാണ് വിവാഹിതയായ സ്ത്രീയെ ശല്യം ചെയ്ത യുവാവിന്റെ കൈ വെട്ടിമാറ്റിയത്.
രജ്മാന് എന്ന യുവാവിന്റെ കൈയാണ് യുവതിയുടെ മൂന്ന് സഹോദരന്മാര് ചേര്ന്ന് വെട്ടിമാറ്റിയത്. വിവാഹത്തിന് മുന്പും ഇയാള് യുവതിയെ ശല്യം ചെയ്തിരുന്നു. ഇതിന്റെ പേരില് യുവതി പോലീസില് പരാതി നല്കുകയും, ഇയാളെ അറസ്റ്റ് ചെയ്ത് ജയിലിലടയ്ക്കുകയും ചെയ്തിരുന്നു. എന്നാല് വീണ്ടും ഇയാള് യുവതിയെ ഫോണില് വിളിച്ചും മറ്റു രീതിയിലും ശല്യപ്പെടുത്തുന്നത് തുടര്ന്നപ്പോഴാണ് യുവതിയുടെ സഹോദരന്മാര് ചേര്ന്ന് ഇയാളെ അക്രമിക്കുകയും കൈ വെട്ടിമാറ്റുകയും ചെയ്തത്.
യുവതിയെ വിവാഹത്തിന് മുന്പും ശല്യം ചെയ്തിരുന്ന രജ്മാനെതിരെ യുവതി പോലീസില് പരാതി നല്കുകയും, ഇയാളെ അറസ്റ്റ് ചെയ്ത് ജയിലിലടക്കുകയും ചെയ്തിരുന്നു. ഇതിനിടെ യുവതി വിവാഹം കഴിഞ്ഞ് ഭര്ത്താവിനൊപ്പം താമസം ആരംഭിച്ചിരുന്നു. എന്നാല് ജയിലില് നിന്നിറങ്ങിയ ശേഷവും രജ്മാന് ഫോണിലൂടെ യുവതിയെ ശല്യം ചെയ്യുന്നത് തുടരുകയായിരുന്നു. ഇതിനിടെ യുവതി വിവാഹം കഴിഞ്ഞ് ഭര്ത്താവിനൊപ്പം താമസം ആരംഭിച്ചിരുന്നു. എന്നാല് ജയിലില് നിന്നിറങ്ങിയ ശേഷവും രജ്മാന് ഫോണിലൂടെ യുവതിയെ ശല്യം ചെയ്യുന്നത് തുടരുകയായിരുന്നു.
ഇതിനുശേഷവും യുവതിയെ ശല്യം ചെയ്യുന്നത് തുടര്ന്നപ്പോഴാണ് യുവതിയുടെ സഹോദരന്മാരായ ഉമേഷ്, കമലേഷ്, മിഥിലേഷ് എന്നിവര് ചേര്ന്ന് രജ്മാനെ ആക്രമിക്കുകയും വാള് ഉപയോഗിച്ച് കൈ വെട്ടിമാറ്റുകയും ചെയ്തത്. തിങ്കളാഴ്ചയായിരുന്നു സംഭവം. യുവാവിന്റെ കൈവെട്ടിമാറ്റിയ സഹോദരന്മാര് ഈ കൈയുമായി കടന്നുകളഞ്ഞു. പുഴവക്കില് രക്തം വാര്ന്ന് കിടന്നിരുന്ന രജ്മാനെ നാട്ടുകാര് ചേര്ന്നാണ് ആശുപത്രിയിലെത്തിച്ചത്. സംഭവത്തിന് ശേഷം ഒളിവില് പോയ സഹോദരന്മാര്ക്കെതിരെ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു.
https://www.facebook.com/Malayalivartha
