പുതുതായി പുറത്തിറക്കിയ 2000 രൂപയുടെ കറന്‍സികളും ഭാവിയില്‍ നിരോധിച്ചേക്കുമെന്ന് യോഗാചാര്യന്‍ ബാബാരാംദേവ്. ബാബയാകട്ടെ മോദിയുടെ ഉറ്റ അനുയായിയും. ഉയര്‍ന്ന മൂല്യമുള്ള തുകയുടെ നോട്ടുകള്‍ വിപണിയില്‍ നിലനില്‍ക്കുന്നത് പഴയ സാഹചര്യം വീണ്ടും ഉണ്ടാക്കാന്‍ ഇടയാക്കും, അതിനാല്‍ 2000 രൂപയുടെ അച്ചടിയും ഭാവിയില്‍ അവസാനിപ്പിക്കാനാണ് സാധ്യതയെന്നാണ് ബാബാ രാംദേവ് പറഞ്ഞത്. 

1000, 500 രൂപയുടെ കറന്‍സികള്‍ നിരോധിച്ച പ്രധാനമന്ത്രി നരേന്ദ്രമോദിയെ ബാബാ രാംദേവ് അഭിനന്ദിച്ചു. കാഷ്‌ലെസ്സ് സമ്പദ് വ്യവസ്ഥയെന്ന സ്വപ്‌നം കൈവരിക്കാന്‍ രാജ്യത്തിന് അധികനാള്‍ വേണ്ടിവരില്ലെന്നും ബാബ പറഞ്ഞു. ഭിലായില്‍ മൂന്ന് ദിവസങ്ങളായി സംഘടിപ്പിക്കുന്ന യോഗ ശിവിര്‍ പരിപാടിയില്‍ പങ്കെടുക്കാനെത്തിയപ്പോളാണ് ബാബാ രാംദേവ് ഇക്കാര്യം വ്യക്തമാക്കിയത്. 

ഉയര്‍ന്ന മൂല്യമുള്ള തുകയുടെ നോട്ടുകള്‍ വിപണിയില്‍ നിലനില്‍ക്കുന്നത് പഴയ സാഹചര്യം ഉണ്ടാക്കാന്‍ ഇടയുള്ളതിനാലാണ് 2000 രൂപയുടെ അച്ചടി ഭാവിയില്‍ നിര്‍ത്തിയേക്കുമെന്ന് ബാബാരാംദേവ് പറയാന്‍ കാരണം. 

രാജ്യത്തെ കള്ളപ്പണക്കാരെ കുടുക്കിയ പ്രധാനമന്ത്രിയുടെ നോട്ട് നിരോധിക്കല്‍ തീരുമാനം അഭിനന്ദനാര്‍ഹമാണെന്നാണ് ബാബാരാംദേവ് പറഞ്ഞത്. പ്രധാനമന്ത്രി നരേന്ദ്രമോദിയെ വാനോളം പുകഴ്ത്തിയ ബാബാരാംദേവ്, അച്ഛാദിന്‍ സാധ്യമാക്കാന്‍ സര്‍ക്കാരും പാര്‍ട്ടിയും മാത്രം വിചാരിച്ചാല്‍ നടക്കില്ലെന്നും, പൊതുജനങ്ങളും സര്‍ക്കാരും ഒത്തൊരുമിച്ച് പ്രവര്‍ത്തിച്ചാലെ അച്ഛാദിന്‍ സാധ്യമാകൂ എന്നും പറഞ്ഞു.