ഇനി മുതല് ബാങ്കുകളില് കൂടുതല് തുക പണമായി പിന്വലിച്ചാല് നികുതി നല്കേണ്ടിവരും
ബാങ്കുകളില് നിന്ന് ഒരു പരിധിയിലേറെ പണം പിന്വലിച്ചാല് അതിനു നികുതി ഏര്പ്പെടുത്താന് കേന്ദ്രസര്ക്കാര് ആലോചിക്കുന്നു. കറന്സി ഉപയോഗിച്ചുള്ള പണമിടപാടിന്റെ പ്രചാരം കുറയ്ക്കാന് വേണ്ടിയാണിതെന്നാണ് കേന്ദ്രസര്ക്കാറിന്റെ വാദം.
ബാങ്കിങ് കാഷ് ട്രാന്സാക്ഷന് ടാക്സ് എന്നാണ് നികുതിയുടെ പേര്. 2005-ല് അന്നത്തെ ധനമന്ത്രി പി. ചിദംബരമാണ് ഈ നികുതി ആദ്യമായി ഏര്പ്പെടുത്തിയത്. എന്നാല് പിന്നീട് 2009-ല് ഇത് പിന്വലിക്കുകയായിരുന്നു. 50,000ത്തിനു മുകളില് പണം പിന്വലിക്കുന്നവര്ക്കായിരുന്നു ഇത് ബാധകമാക്കിയത്.
ഇതുവഴി വലിയ വരുമാനമൊന്നും ലഭിക്കാതായതിനെ തുടര്ന്നായിരുന്നു ഈ ഉപാധി പിന്വലിച്ചത്. ആദായ നികുതി നിയമത്തില് ഭേദഗതി വരുത്തിയാണ് പുതിയ നിയമം കേന്ദ്രസര്ക്കാര് അവതരിപ്പിക്കാനൊരുങ്ങുന്നത്. കള്ളപണം തടയാന് പുതിയ നിയമത്തിലൂടെ സാധിക്കുമെന്നാണ് കേന്ദ്രസര്ക്കാറിന്റെ കണക്ക് കൂട്ടല്.
https://www.facebook.com/Malayalivartha
