മാനസിക വൈകല്യമുള്ള യുവതിയെ പീഡിപ്പിച്ച പൊലീസ് ഉദ്യോഗസ്ഥന്‍ അറസ്റ്റില്‍. 50കാരനായ എഎസ്ഐ രമേഷ് റാവുവാണ് യുവതിയെ പീഡിപ്പിച്ച സംഭവത്തില്‍ കര്‍ണ്ണാടകയിലെ തുംകൂറില്‍ നിന്ന് അറസ്റ്റിലായത്. സംഭവസമയത്ത് കാറോടിച്ചിരുന്നയാളും പൊലീസിന്റെ പിടിയിലായിട്ടുണ്ട്.

വീട്ടുകാരറിയാതെ വീട്ടില്‍ നിന്നിറങ്ങിപ്പോയ 30കാരിയെയാണ് സഹായ വാദ്ഗാനം നല്‍കിയ ശേഷം എഎസ്ഐ പീഡിപ്പിച്ചത്. ഞായറാഴ്ചയായിരുന്നു സംഭവം. കാറില്‍ വെച്ച് പീഡിപ്പിക്കുകയായിരുന്നുവെന്നാണ് പൊലീസ് വ്യക്തമാക്കുന്നത്. യുവതിയുടെ സഹായത്തോടെ പ്രതിയെ തിരിച്ചറിഞ്ഞ പൊലീസ് ഡ്യൂട്ടിയ്ക്കിടെ രമേഷ് റാവുവിനെ അറസ്റ്റ് ചെയ്യുകയായിരുന്നു. ഇതോടെ ഇദ്ദേഹത്തെ സസ്‌പെന്‍ഡ് ചെയ്തിട്ടുണ്ട്. ഞായറാഴ്ച യുവതിയുടെ ബന്ധുക്കള്‍ പരാതി നല്‍കിയതിനെ തുടര്‍ന്നായിരുന്നു ഇരുവരുടേയും അറസ്റ്റ്.