പതിമൂന്ന് വര്‍ഷത്തിനിടെ അറുനൂറോളം കുട്ടികളെ പീഡിപ്പിച്ച സുനില്‍ റസ്‌തോഗി എന്ന തയ്യല്‍ക്കാരന്‍ കഴിഞ്ഞ ആഴ്ച അറസ്റ്റിലാകുമ്പോള്‍ ലോകത്തിന് അതൊരു ഞെട്ടിക്കുന്ന വാര്‍ത്തയായിരുന്നു. എന്നാല്‍ സുനിലിന്റെ ഭാര്യയ്ക്കും സഹോദരിക്കും അയാളെ അറിയുന്നവര്‍ക്കും അതൊരു വാര്‍ത്തയേ അല്ലായിരുന്നു. കൊച്ചു പെണ്‍കുട്ടികളോട് സുനിലിനുള്ള ലൈംഗികാഭിനിവേശം അവര്‍ക്കെല്ലാം നേരത്തെ അറിയുന്ന കാര്യമായിരുന്നു.

വിവാഹം കഴിച്ച നാള്‍ മുതല്‍ സുനിലിന് കുട്ടികളോടുള്ള ലൈംഗികാഭിനിവേശം തനിക്ക് അറിയാവുന്ന കാര്യമാമെന്ന് സുനിലിന്റെ 32കാരിയായ ഭാര്യ പറയുന്നു. 16 വര്‍ഷം മുമ്പായിരുന്നു ഇവരുടെ വിവാഹം. ഇവര്‍ക്ക് അഞ്ച് മക്കളുണ്ട്. വിവാഹം കഴിക്കുന്ന കാലത്ത് സുനില്‍ മികച്ച തയ്യല്‍ക്കാരനായിരുന്നു. കൃത്യമായി ജോലി ചെയ്താല്‍ നന്നായി സമ്പദിക്കാന്‍ സാധിക്കും എന്നാല്‍ ഇയാളുടെ ലൈംഗിക വൈകൃതമാണ് തങ്ങളുടെ ജീവിതം തകര്‍ത്തതെന്നും ഭാര്യ കൂട്ടിച്ചേര്‍ത്തു.

സുനിലിന്റെ ലൈംഗിക വൈകൃതത്തിന് ഒരു മാറ്റമാകുമെന്ന പ്രതീക്ഷയിലാണ് കുടുംബം ഡല്‍ഹി എന്‍.സി.ആറില്‍ നിന്നും ഉത്തര്‍പ്രദേശിലെ ബിലാസ്പൂരിലേക്ക് 2015ല്‍ താമസം മാറിയത്. ബിലാസ്പൂരില്‍ ഒരു വാടക വീട്ടിലേക്കാണ് കുടുംബം മാറിയത്. എന്നാല്‍ വിചിത്രവും കുറ്റകരവുമായ ലൈംഗിക അഭിരുചി മാറ്റാന്‍ ഇയാള്‍ക്ക് സാധിച്ചിരുന്നില്ല. ബിലാസ്പൂരിലെ പുതിയ സ്ഥലത്ത് ഇയാള്‍ക്ക് ഏറെ തയ്യല്‍ ജോലികള്‍ ലഭിച്ചിരുന്നു.

അങ്ങനെ പുതിയ ജീവിതം കരുപിടിപ്പിക്കാമെന്ന പ്രതീക്ഷയില്‍ കുടുംബം ഇരിക്കവെയാണ് ജനുവരി 14 സുനില്‍ അറസ്റ്റിലായത്. ബിലാസ്പൂരിലേക്ക് താമസം മാറിയതിന് ശേഷം കുട്ടികളെ പീഡിപ്പിക്കുന്നതിന് വേണ്ടി മാത്രം സുനില്‍ ഡല്‍ഹിയിലേക്ക് ട്രെയിനില്‍ യാത്ര ചെയ്തിരുന്നതായി പോലീസ് എത്തിയപ്പോള്‍ മാത്രമാണ് ഇയാളുടെ കുടുംബാംഗങ്ങള്‍ അറിഞ്ഞത്. സുനില്‍ തന്റെ ഏറ്റവും പുതിയ ഇരയെ വലയിലാക്കുന്നതിന്റെ സി.സി.ടി.വി ദൃശ്യങ്ങള്‍ സഹിതമാണ് പോലീസ് എത്തിയത്.

വിചിത്രമായ അന്ധവിശ്വാസങ്ങള്‍ക്കും അടിമയായിരുന്നു സുനില്‍. ചുവപ്പ് സ്വെറ്റര്‍ ധരിച്ചാണ് ഇയാള്‍ കുറ്റകൃത്യങ്ങള്‍ ചെയ്തിരുന്നത്. ഇത് ഭാഗ്യം കൊണ്ടുവരുമെന്നാണ് ഇയാളുടെ വിശ്വാസം. പോലീസ് അറസ്റ്റ് ചെയ്തു കൊണ്ടു പോയപ്പോഴും ഇയാള്‍ ചുവപ്പ് സ്വെറ്ററാണ് ധരിച്ചിരുന്നത്. പലപ്പോഴും കുടുംബം വിട്ടു പോയിരുന്ന സുനില്‍ ദിവസങ്ങള്‍ക്ക് ശേഷമാണ് മടങ്ങി എത്തിയിരുന്നത്. ഇയാളുടെ മാനസികവൈകൃതത്തെക്കുറിച്ച് സഹോദരിക്കും അറിവുണ്ടായിരുന്നു.

വീട്ടിലുള്ളപ്പോള്‍ സാവധാന്‍ ഇന്ത്യ, െ്രെകം പട്രോള്‍ തുടങ്ങിയ െ്രെകം അധിഷ്ടിത ടി.വി പരിപാടികളാണ് സുനില്‍ കണ്ടിരുന്നതെന്ന് ഭാര്യ പറഞ്ഞു. യഥാര്‍ത്ഥ സംഭവങ്ങളെ ആസ്പദമാക്കി നിര്‍മ്മിക്കുന്ന ഇത്തരം പരിപാടികളില്‍ പ്രതികള്‍ കുറ്റകൃത്യത്തിന് ശേഷം രക്ഷപെട്ടത് എങ്ങനെയെന്നാണ് സുനില്‍ നിരീക്ഷിച്ചിരുന്നത്. കുടുംബത്തിന്റെ ഏക വരുമാന മാര്‍ഗമായിരുന്നു സുനില്‍ ജയിലിലായതോടെ ഇയാളുടെ മൂത്ത മകള്‍ മാസം 700 രൂപയ്ക്ക് വീട്ടുജോലിക്ക് പോയിത്തുടങ്ങി. മൂത്തമകനും ചെറിയ ജോലിക്ക് പോയിത്തുടങ്ങി.

അച്ഛന്റെ പരിചയക്കാരനെന്ന് പറഞ്ഞാണ് ഇയാള്‍ കുട്ടികളെ കൂടെ കൂട്ടിയിരുന്നത്. തന്റെ വലയില്‍ വീഴുന്ന കുട്ടികളുമായി ആളൊഴിഞ്ഞ കെട്ടിടങ്ങളിലും മറ്റ് എത്തിയാണ് ഇയാള്‍ പീഡനം നടത്തിയിരുന്നത്.