വൈകിവന്ന പത്മശ്രീ; സുനിതി സോളമന് ഇന്ത്യയുടെ അഭിമാന ഡോക്ടര്
ഇന്ത്യയില് ആദ്യമായി എച്ച്.ഐ.വി. വൈറസ് കണ്ടെത്തിയ ഡോക്ടറാണ് സുനിതി സോളമന്. വൈകിവന്ന വസന്തം പോലെയാണ് ഡോക്ടറെ പത്മശ്രീ തേടിയെത്തിയത്. എണ്പതുകളില് വിദേശ പ്രസിദ്ധീകരണങ്ങളില് എയ്ഡ്സുമായി ബന്ധപ്പെട്ട ലേഖനങ്ങള് വരുന്ന കാലത്താണ് സുനിതി ഇന്ത്യയിലും എയ്ഡ്സ് വൈറസിന്റെ സാന്നിധ്യം കണ്ടെത്തിയത്. 1986 ലാണ് രാജ്യത്തെ ആരോഗ്യമേഖലയിലെ സുപ്രധാന കണ്ടെത്തല് ഡോ. സുനിതി സോളമനിലൂടെ പുറത്തുവന്നത്. ആറ് ലൈംഗിക തൊഴിലാളികളുടെ രക്തസാമ്പിളിന്റെ പരിശോധനയിലാണ് സുനിതി രാജ്യത്തെ ഞെട്ടിച്ച കണ്ടെത്തല് നടത്തിയത്. മരണാനന്തര ബഹുമതിയാണെങ്കില് പോലും ജീവിച്ചിരിക്കുമ്പോള് കൊടുക്കേണ്ടതായിരുന്നു ഈ ബഹുമതി. എച്ച്.ഐ.വി. ബാധയെ പറ്റി നിരവധി പഠനങ്ങളും ഗവേഷണങ്ങളുമാണ് രാജ്യത്തുണ്ടായത്. അന്ന് മദ്രാസ് മെഡിക്കല് കോളേജിലും ഗവ: ജനറല് ഹോസ്പിറ്റലിലും മൈക്രോബയോളജി പ്രൊഫസറായി സേവനമനുഷ്ഠിക്കുകയായിരുന്ന ഡോ. സുനിതി രാജ്യത്തെ ഞെട്ടിച്ച കണ്ടെത്തല് നടത്തിയത്. മദര് തെരേസയെപ്പോലെ കുഷ്ഠരോഗികളെ പരിപാലിക്കുന്നതുപോലെയാണ്. ഡോ. സുനിതിയുടെയും പ്രവര്ത്തനങ്ങള്. ഡോക്ടര്മാര് പോലും എയ്ഡ്സ് രോഗികളെ പരിശോധിക്കാന് വിമുഖത കാട്ടിയ കാലത്ത് യാതൊരു ഭയവും കൂടാതെ അവരിലേക്ക് ഇറങ്ങിച്ചെല്ലാന് ഡോ. സുനിതി മടിച്ചില്ല. മൂന്ന് പതിറ്റാണ്ടുകാലം യാതൊരു ഭയവുമില്ലാതെ അവര് എയ്ഡ്സ് രോഗികളെ ചികിത്സിച്ചും ബോധവത്ക്കരിച്ചും കഴിഞ്ഞിരുന്നു. സുനിതി സോളമന് മദര് തെരേസ മെമ്മോറിയല് അവാര്ഡ് ഫോര് എജ്യൂക്കേഷന് ആന്ഡ് ഹ്യൂമാനിറ്റേറിയന് സര്വ്വീസസ് അടക്കം നിരവധി അംഗീകാരങ്ങളും അവരെ തേടിയെത്തി. എച്ച്.ഐ.വി മേഖലയിലെ പ്രവര്ത്തനത്തിന് തമിഴ്നാട് സര്ക്കാര് വരെ അവരെ ആദരിക്കുകയുണ്ടായി. രാജ്യത്തെ ആദ്യത്തെ എയ്ഡ്സ് പരിശോധനാ കേന്ദ്രമായ ചെന്നൈയിലെ വൈ.ആര്. ഗൈറ്റോണ്ടെ സെന്റര് ഫോര് എയ്ഡ്സ് റിസര്ച്ച് ആന്ഡ് എജ്യൂക്കേഷന് സ്ഥാപിച്ചതും സുനിതിയാണ്. എച്ച്.ഐ.വി. സാന്നിധ്യം ഇന്ത്യയില് കണ്ടെത്തിയത് ഡോക്ടര് സുനിതിയുടെ നേതൃത്വത്തിലുള്ള സംഘമായിരുന്നു. ഭാരതത്തിനുവേണ്ടി ഡോ. സുനിതി സോളമന് അനുഷ്ഠിച്ച സേവനം സ്തുസ്ത്യര്ഹവും അഭിനന്ദനാര്ഹവുമാണ്.
https://www.facebook.com/Malayalivartha
